21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Հայաստանն ունի խաղաղության ճանապարհով գնալու կամք և կարողություն․ Կատրին Կոլոնա
Քաղաքականություն
28.04.2023 | 17:20
Ֆրանսիայի Հանրապետության Եվրոպայի և արտաքին գործերի նախարար Կատրին Կոլոնան թվիթերի իր միկրոբլոգում արված գրառմամբ հակիրճ ամփոփել է հայաստանյան իր այցը։
«Ես հեռանում եմ Հայաստանից այն համոզմունքով, որ Հայաստանն ունի խաղաղության ճանապարհով գնալու կամք և կարողություն։ Ֆրանսիան հաստատում է խաղաղության և անվտանգության մեջ ապրելու իր ձգտումները»,- գրել է Կոլոնան։
Նշենք, որ Ֆրանսիայի արտաքին քաղաքական գերատեսչության ղեկավարը կովկասյան իր այցը մեկնարկել էր Բաքվից ու կավարտի Վրաստանով։
Հայաստանում Կոլոնան հանդիպել էր ՀՀ վարչապետ Նիկոլ Փաշինյանի հետ, ապա այցելել Ջերմուկ, որտեղ ՀՀ ԶՈՒ գլխավոր շտաբի պետ Էդվարդ Ասրյանը Ֆրանսիայի արտաքին գործերի նախարարին ներկայացրել էր 2022 թ․ սեպտեմբերին Հայաստանի ինքնիշխան տարածքի դեմ Ադրբեջանի ռազմական ագրեսիայի հետևանքները։ Կոլանան Ծիծեռնակաբերդում հարգանքի տուրք էր մատուցել Հայոց ցեղասպանության զոհերի հիշատակին, եղել էր «Եռաբլուր» զինվորական պանթեոնում։
Ֆրանսիայի արտաքին գործերի նախարարն իր այցը Հայաստան ավատել էր ՀՀ ԱԳ նախարարի հետ հանդիպումից ու համատեղ ասուլիսից անմիջապես հետո։
Անահիտ Խաչատրյան
