13.05.2026 | 22:00
Ֆրանսիան մեկուսացրել է ավելի քան 1700 ուղևորի տեղափոխող նավը` նորովիրուսի ենթադրյալ բռնկման պատճառով
Ադրբեջանը պահանջում է ԼՂ-ից՝ ինտեգրվել․ զրույցը պարտադիր է՝ Բաքվում, թե Խոջալուում․ նպատակը՝ ստատուս, անվտանգություն․ Վարդան Հարությունյան․ ՏԵՍԱՆՅՈՒԹ
Քաղաքականություն
28.04.2023 | 19:25
Ռուս խաղաղապահների հրամանատարը Լեռնային Ղարաբաղում փոխվեց՝ Վոլկովին փոխարինեց Լենցովը։ Բանակցություններ են ընթանում։
Իրավունքի և Ազատության կենտրոնի հիմնադիր, իրավապաշտպան Վարդան Հարությունյանին հարց ուղղեցինք՝ ի՞նչ շանսեր է տեսնում՝ կանխելու Լեռնային Ղարաբաղի վրա Ադրբեջանի ինքնիշխանության տարածումը։ Եվ սա՝ այն ամենից հետո, երբ Լաչինի միջանցքում Ադրբեջանն անցակետ է տեղադրել։
«2020 թվականի պատերազմից հետո Ադրբեջանի ինքնիշխանությունը ԼՂ-ի նկատմամբ հաստատվել է օր առ օր, և այս ամենը մեր սխալների հետևանքն է։ Ադրբեջանը հանդուգն դարձավ՝ տեսնելով, որ ՀՀ-ի արտաքին վեկտորը չփոխվեց, որ իշխանություն չփոխվեց։ Նրանք որոշել են կարճ ժամանակում ԼՂ-ի խնդիրը լուծել՝ այն ինտեգրելով Ադրբեջանի կազմում։ Ադրբեջանը ՌԴ-ի հետ համաձայնեցրել է անցակետի տեղադրումը, և ես կարծում եմ, որ Բաքուն Լաչինի միջանցքից հետ չի քաշվի․ բարդ է պատկերացնել, որ դրոշը կիջեցնեն և հետ կքաշվեն»,- ասաց Վարդան Հարությունյանը։
Հարցազրույցն ամբողջությամբ՝ տեսանյութում։
Ռոբերտ Անանյան
