Եկել եմ վերահաստատելու Ֆրանսիայի աջակցությունը. Ֆրանսիայի ԱԳ նախարար․ ՏԵՍԱՆՅՈՒԹ

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

Եկել եմ վերահաստատելու Ֆրանսիայի աջակցությունը. Ֆրանսիան իր լիակատար աջակցությունն է ցուցաբերում Հայաստանի և Ադրբեջանի միջև բանակցություններին. Ֆրանսիան դա միայնակ չի անում, Ֆրանսիան դա անում է ԵՄ-ի, ԱՄՆ-ի կողքին և, բնականաբար, կապ պահպանելով ԵԱՀԿ-ի և ՄԱԿ-ի հետ, որոնք կարող են օգտակար դեր խաղալ այս գործընթացում: Հայաստանի ԱԳ նախարարի հետ համատեղ ասուլիսի ժամանակ հայտարարեց Ֆրանսիայի ԱԳ նախարար Կատրին Կոլոնան:

«Բոլորս գիտենք, որ խաղաղության ճանապարհը դժվար է գտնել, դժվարին է և հաճախ երկար: Բայց ես ասում եմ Երևանում, ինչպես ասել եմ Բաքվում՝ դա միակ ճանապարհն է, որը հնարավորություն կտա արդար և կայուն խաղաղության հասնելու, միակ ճանապարհը, որը հնարավորություն կտա նոր հեռանկարներ ստեղծելու երկու երկրների ապագայի և երկու երկրների բանակցությունների համար: Ուստի մենք բոլորին քաջալերում ենք վճռականորեն այդ ճանապարհին կանգնել»,- ասաց Կատրին Կոլոնան:

Նա հիշեցրեց, որ Պրահայում անցյալ հոկտեմբերին Ֆրանսիայի նախագահը և Եվրոպական խորհրդի նախագահը ջանքեր գործադրեցին, որ Հայաստանը և Ադրբեջանը մի կարևոր քայլ կատարեն՝ վերահաստատելով իրենց հավատարմությունը 1991 թվականի Ալմա Աթայի հռչակագրին, որով նրանք փոխադարձաբար իրենց տարածքային ամբողջականությունն ու սուվերենությունն են ճանաչում․ «Կարծում ենք, որ կարևոր է ամրապնդել այս նվաճումը, շարունակել այս աշխատանքը՝ գուցե առաջնահերթ սահմանագծման աշխատանքները կատարելով, կամ այլ քայլեր, բայց անհրաժեշտ է շարունակել այս աշխատանքը և շատ կոնկրետ այդ հանձնառությունը, որը ձեր վարչապետի և Ալիևի կողմից հայտարարվեց Պրահայում»։

Ֆրանսիայի ԱԳ նախարարն ընդգծեց, որ տարածքային ամբողջականության հարգանքը նշանակում է հրաժարվել ցանկացած ուժային գործողությունից: «Ես դա ասել եմ Բաքվում, դա կրկնում եմ այստեղ: Ադրբեջանական ուժերի առաջխաղացումների հանդիման մենք չենք կարող թույլ տալ մի երկրի տարածքային ամբողջականության չհարգանքը, հակառակ պարագայում նույնը կասեի, եթե դուք առաջխաղացումներ ունենայիք Ադրբեջանի տարածքում: Միջազգային իրավունքը պետք է հարգվի, և դա միակ ճանապարհն է, որպեսզի երկու կողմերն էլ առաջ գնան, ուստի մենք չենք կարող ընդունել այն միակողմանի քայլերը, որոնք կատարվում են Ադրբեջանի կողմից, ես դա ասել եմ նաև երեկ:

Այս առումով ցանկանում եմ ողջունել ԵՄ դիտորդական առաքելության դերը, քանի որ այն նպաստում է լարվածությունն իջեցնելուն երկու երկրների միջև: Դա դիտորդական առաքելություն է, ոչ զինված առաքելություն է, որը, կարծում եմ, արդյունավետ դեր է խաղում լարվածությունը նվազեցնելու համար՝ թույլ տալու ԵՄ անդամ պետություններին իրենց որոշումները հիմնել օբյեկտիվ հայացքի վրա, դրանից անդին վստահ եմ, որ այս առաքելությունը նպաստում է վստահության մթնոլորտ վերահաստատելուն:

Ես տեղում այսօր հանդիպեցի առաքելության անդամների հետ, ցանկանում էի նաև քաղաքական ժեստ անել դրանով, կարծում եմ, որ օգտակար է նրանց դերը»,- նշեց Կոլոնան:

Մանրամասները՝ տեսանյութում։