09.09.2026 | 17:23
ԱՄՆ-ն չինական ընկերություններին մեղադրել է ամերիկյան արհեստական բանականության տեխնոլոգիաները պատճենելու մեջ
Արտառոց իրավիճակ է, որ տանում, բաժիններում մարդկանց մերկացնում են. Ժաննա Ալեքսանյան․ ՏԵՍԱՆՅՈՒԹ
Հասարակություն
28.04.2023 | 14:33
«Տպավորություն է, որ իրենց արբանյակներից մեկը հաղորդում է տվել, և իրենք զինված մտել են այդ ակումբ։ «Ոստիկանության քրոնիկոն. մարդու իրավունքների զանգվածային ոտնահարումը շարունակվում է» թեմայով քննարկման ժամանակ այս մասին նշեց իրավապաշտպան ժաննա Անդրեասյանը՝ անդրադառնալով օրերս «Պոլիգարֆ» ակումբում տեղի ունեցած միջադեպի ժամանակ ոստիկանության իրականացրած գործողություններին։
Իրավապաշտպանի կարծիքով՝ դիտավորյալ, նախապես որոշված հարձակում է իրականացվել ոստիկանների կողմից։
«Սա խայտառակ միջադեպ է և արտառոց է այն, որ տանում բաժիններում քաղաքացիներին մերկացնում են։ Նախկինում այսպիսի գազանաբարո գործողությունների մենք ականատես չենք եղել․․․ Ցնցող է ոստիկանների հոգեբանությունը, այլասեռված հակումները՝ ոստիկանության բաժիններում մարդկանց մերկացնելը»։
Փաստորեն, ըստ իրավապաշտպանի, Հայաստանում ոստիկանը վեր է օրենքից․ չեն պատժվում օրինախախտ ոստիկանները։
«Տեսնելով, թե ինչպես են իշխանություններն արձագանքում այս դեպքին, որևէ հույս չկա, որ օրինախախտ ոստիկանը կպատժվի։ Պարզ է, թե ոստիկանն ինչ պետք է անի, եթե ԱԺ նախագահ Ալեն Սիմոնյանը թքում է քաղաքացու վրա, և չկա հարուցված գործ, դատախազությունը չի արձագանքել։
Մանրամասները՝ տեսանյութում։
