06.08.2026 | 22:30
«Անընդունելի և դատապարտելի է». Արամ Ա Կաթողիկոսը՝ Գարեգին Բ-ին դատարան կանչելու մասին
Ինչ վիճակի են մարդուն հասցրել, որ իրեն 3-րդ հարկից ցած է նետել. Արթուր Սաքունց․ ՏԵՍԱՆՅՈՒԹ
Հասարակություն
28.04.2023 | 14:23
Անձին ձերբակալելու համար ծանրակշիռ փաստեր են պետք։ «Ոստիկանության քրոնիկոն. մարդու իրավունքների զանգվածային ոտնահարումը շարունակվում է» թեմայով քննարկման ժամանակ այս մասին ընդգծեց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը։
Իրավապաշտպանի խոսքով՝ ձերբակալված անձն ունի իրավունքներ․ փաստաբանին, հարազատներին կամ իր ընտրած մարդուն իր ձերբակալման մասին իրազեկելու և այլ իրավունքներ։
Անդրադառնալով օրերս «Պոլիգարֆ» ակումբում տեղի ունեցած միջադեպի ժամանակ ոստիկանության իրականացրած գործողություններին, իրավապաշտպանը նշեց․ «Ոստիկանները ներկա են եղել միջադեպին, կարող էին կանխարգելել, բայց չեն միջամտել․ կատարել են օրենքով սահմանված իրենց լիազորությունները, բայց պարտավորությունները չեն կատարել, այսինքն՝ տեղի է ունեցել ապօրինություն, ավելին՝ քաղաքացու նկատմամբ արցունքաբեր գազի կիրառումը իրավաչափ չի եղել»։
Սաքունցի դիտարկմամբ՝ ոստիկանության գործողությունների ապօրինությունը նորություն չէ․ «Ոստիկանության բաժիններում շարունակվում են արձանագրվել բռնության ու խոշտանգումների դեպքեր։ Վերջերս էլ Քննչական կոմիտեում իրավապահ մարմինների վերահսկողության ներքո գտնվող անձը իրեն երրորդ հարկի պատուհանից ցած էր նետել․ ի՞նչ վիճակ պետք է լինի, որ մարդը, որպես միակ փրկության միջոց, ցած նետվի պատուհանից»։
Իրավապաշտպանն ընդգծեց, որ ոստիկանության աշխատակիցը պարտավոր է քաղաքացու իրավունքների մասին տարրական տեղեկացվածություն ունենալ․ «Այլապես իրավունք չունի ծառայելու որպես ոստիկանության աշխատակից։ Նրա իրականացրած աշխատանքի որակի համար պատասխանատու է պետությունը»։
Մանրամասները՝ տեսանյութում։
