«Երևանյան գունազարդ վազք 2017»-ի հաղթողները կարժանանան 3-օրյա տուր փաթեթի

Հուլիսի 4-ին տեղի ունեցավ «Երևանյան գունազարդ վազք 2017» խորագրով միջոցառմանն նվիրված ասուլիս: Ասուլիսի բանախոսներն էին` ՀՀ տնտեսական զարգացման և ներդումների նախարարության Զբոսաշրջության պետական կոﬕտեի մարքեթինգի և խթանման վարչության պետ Գոհար Ալոյանը, Երևանի քաղաքապետին կից երիտասարդության հարցերի խորհրդի փոխնախագահ Սամվել Մերթարջյանը, Run Armenia նախագծի հիմնադիր-նախագահ, «Սթրիթ Վորքաութ» հայաստանյան ֆեդերացիայի խորհրդի նախագահ Ղազար Հակոբյանը և միջոցառման այլ կազմակերպիչներ։

Ասուլիսի ընթացքում ներկայացվեցին Yerevan Color Run նախագծի նպատակները, միջոցառմանը մասակցության պայմանները, օրակարգը և գունազարդ նախաձեռնության շրջանակում իրականացվող բարեգործական ծրագրերը:

ՀՀ տնտեսական զարգացման և ներդրումների նախարարության Զբոսաշրջության պետական կոմիտեի մարքեթինգի և խթանման վարչության պետ Գոհար Ալոյանը տեղեկացրեց, որ առաջին տեղը զբաղեցրած մասնակիցների համար Զբոսաշրջության Կոմիտեն պատրաստել է 3-օրյա էքստրեմալ տուր փաթեթ․«Մենք շատ ուրախ ենք Հայաստանում նման միջոցառումների կազմակերպմամբ, որոնք մեծ նշանակություն ունեն թե՛ քաղաքացիների, թե՛ այցելած հյուրերի համար: Դա նոր է և հետաքրքիր: Այս տարի Կոմիտեն շնորհելու է առաջին տեղի մրցանակները, դրանք կլինեն եռօրյա էքստրեմալ տուրեր հաղթողների համար»:

Միջոցառման ընթացքում ստացված հասույթի մի մասը հատկացվելու է «Կյանքի ճանապարհ» բարեգործական ծրագրի շրջանակում Իջևան-Բերդ 34 կմ ճանապարհի և Երևանի Կենտրոնում անվճար մարզվելու համար կառուցվող Street Workout-մասնագիտացված մարզահրապարակի կառուցմանը:

Միջոցառումն իրականացվում է Run Armenia նախագծի նախաձեռնությամբ, ՀՀ Զբոսաշրջության պեական կոմիտեի, Երևանի քաղաքապետարանի և Երևանի քաղաքապետարանին կից երիտասարդության հարցերի խորհրդի աջակցությամբ, «Երևան ամառ» ծրագրի շրջանակներում։

Այս տարի Yerevan Color Run-ը կմեկնակի հուլիսի 16-ին, ժամը 08։00-ին, Հանրապետության հրապարակում։ Միջոցառումը կսկսվի ֆիթնես նախավարժանքով, 5 կմ երկարություն ունեցող վազքուղու ամբողջ ընթացքում մասնակիցների վրա ոտքից գլուխ կլցվեն գունավոր և բացարձակ անվնաս փոշիներ։