19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ․ ՏԵՍԱՆՅՈՒԹ
Ադրբեջանում «Բայրաքթար» են արտադրելու
Քաղաքականություն
28.04.2023 | 13:00
Ադրբեջանն ու Թուրքիան անօդաչու թռչող սարքերի համատեղ արտադրություն են իրականացնելու, գրում են ադրբեջանական լրատվամիջոցները։
Թուրքական Baykar ընկերությունը հայտնում է, որ Ադրբեջանի ՊՆ-ի հետ ԱԹՍ-ների համատեղ արտադրության վերաբերյալ ծրագրերի արձանագրություն է ստորագրվել։ Փաստաթուղթը ստորագրել են Ադրբեջանի պաշտպանության փոխնախարար Ագիլ Գուրբանովը և Baykar ընկերության գլխավոր տնօրեն Հալուք Բայրաքթարը։ Արարողությանը մասնակցել է նաև Ադրբեջանի պաշտպանության փոխնախարար, ռազմաօդային ուժերի հրամանատար, գեներալ-լեյտենանտ Ռամիզ Թահիրովը։ Այլ մանրամասներ չեն հաղորդվում։
Հավելենք, որ Baykar ընկերության կողմից արտադրվող «Բայրաքթար ՏԲ-2»-ն Ադրբեջանն ակտիվորեն օգտագործում էր Արցախյան 44-օրյա պատերազմում։ Դեռևս հայտնի չէ, թե կոնկրետ ինչ տիպի «Բայրաքթար»-ներ են համատեղ արտադրելու Թուրքիան և Ադրբեջանը։
«Բայրաքթար ՏԲ2» անօդաչու թռչող սարքն իր մարտական մկրտությունը ստացել է 2014 թվականին Թուրքիայի արևելքում իրականացված մարտական գործողությունների ժամանակ։ ԱԹՍ-ի երկարությունը 6.5 մ է, թևերի բացվածքը՝ 12 մ, թռիչքի առավելագույն քաշը՝ 650 կգ։ Այն կարող է կրել կառավարվող հակատանկային հրթիռներ և օդային ռումբեր։
Էմմա Չոբանյան
