13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Հայկական տարածքն է օկուպացվել, շրջափակվել է ԼՂ-ն․ ՀՀ-ում Նիդերլանդների դեսպան․ ՏԵՍԱՆՅՈՒԹ
Հասարակություն
27.04.2023 | 19:46
Հայաստանում Նիդեռլանդների Թագավորության դեսպանատունը կազմակերպել է Նիդեռլանդների թագավորի ծննդյան տոնակատարությունը։
Koningsdag-ը՝ Թագավորի օրը կամ Թագավորի ծննդյան օրը՝ ազգային տոն է, որն ուղղակիորեն կապ ունի միապետի ծննդյան օրվա հետ, ու ազգային միասնության եւ համերաշխություն է խորհրդանշում։ Նիդեռլանդցիներն այդ օրը հագնում են նարնջագույն հագուստ, որը Օրանական Նասաու արքայատոհմի ընտանեկան գույնն է։ 2013 թվականից Նիդեռլանդների գահը Բեատրիքս թագուհուց փոխանցվել է որդուն՝ Վիլեմ Ալեքսանդրին, որը ծնվել է ապրիլի 27-ին, այդ տարի էլ տոնը վերանվանվել է Թագավորի օր կամ Թագավորի ծննդյան օր, իսկ տոնակատարության պաշտոնական ամսաթիվը հաստատվել է ապրիլի 27-ը։
Ներկաներին ողջունեց Հայաստանում Նիդեռլանդների արտակարգ և լիազոր դեսպան Նիկոլաս Սխերմերսին: Նրա խոսքով՝ այս տոնը Հայաստանում նշվում է երկրորդ անգամ։
Դեսպանն իր ելույթում անդրադարձավ ազատության նկատմամաբ հարձակումներին՝ նկատելով, որ հայկական տարածքը բռնազավթվել է և շրջափակվել է ԼՂ-ն։
«Տուժել են բազմաթիվ հայեր, հայկական տարածքների և ենթակառուցվածքների կորուստներ են եղել, այնուամենայնիվ հայ ժողովրդի դիմակայությունից զատ, մենք նկատել ենք տարբեր քայլեր համակարգային խաղաղության ուղղությամբ»,- ընդգծեց Նիկոլաս Սխերմերսին։
Մանրամասները՝ տեսանյութում։
