08.10.2026 | 16:06
ԱՄՆ-ն և Ռուսաստանը քննարկում են «Հյուսիսային հոսք»-ով Եվրոպային գազ վաճառելու հնարավորությունը
Բաքուն արձագանքել է Արցախում Ադրբեջանի կողմից էթնիկ զտում իրականացնելու մասին Նիկոլ Փաշինյանի հայտարարություններին
Քաղաքականություն
27.04.2023 | 18:14
Ադրբեջանի ԱԳՆ-ն արձագանքել է ՀՀ վարչապետ Նիկոլ Փաշինյանի՝ կառավարության այսօրվա նիստում արված հայտարարություններին։ Հիշեցնենք՝ Փաշինյանը հայտարարել է, որ Լաչինի միջանցքում Ադրբեջանի կողմից անցակետի տեղադրման ու դրան նախորդած մի շարք գործողությունների իրական և խորքային նպատակը Լեռնային Ղարաբաղի հայության էթնիկ զտումներ և ցեղասպանություն իրականացնելն է, որը պետք է լինի նաև միջազգային հանրության ուշադրության առարկան։
Ադրբեջանի ԱԳՆ-ն իր պատասխանում հայտարարել է, թե այս պնդումները, իբր, «անհեթեթ են»։
«Հայկական կողմի ցանկացած միջամտություն Ադրբեջանի կողմից իր ինքնիշխան տարածքում սահմանային անցակետի ստեղծման հարցում, որը ներքին խնդիր է, հանդիսանում է տարածքային ամբողջականության դեմ պահանջ, հակասում է Պրահայում և Սոչիում Հայաստանի ստանձնած պարտավորություններին, ինչպես նաև միջազգային իրավունքի բոլոր նորմերին ու սկզբունքներին։ Հայկական կողմի նման հայտարարությունները, բացի այն, որ չեն նպաստում տարածաշրջանում խաղաղություն հաստատելուն, նպատակաուղղված են միտումնավոր լարվածության սրմանը»,- ասվում է հայտարարությունում։
Դրանում նաև իրականությանը չհամապատասխող այլ մեղադրանքներ են հնչեցվում Հայաստանի հասցեին։ Բացի այդ, Բաքուն նշում է, թե, իբր, կան պայմաններ՝ Լաչինի միջանցքով թափանցիկ, անվտանգ և կանոնավոր անցման համար։
Հիշեցնենք, որ Ադրբեջանը դեկտեմբերի 12-ից փակ է պահում Լաչինի միջանցքը՝հրաժարվելով կատարել ՄԱԿ-ի Արդարադատության միջազգային դատարանի որոշումը։ Բացի այդ ՝ ապրիլի 23-ին էլ ապօրինի անցակետ է տեղադրել Լաչինի միջանցքում՝ ռուս խաղաղապահների պատասխանատվության գոտում։ ՌԴ-ն դեռ որևէ գործուն քայլ չի ձեռնարկել այս խախտումը վերացնելու համար։
Էմմա Չոբանյան
