14.12.2024 | 19:57
Ինչ իրավիճակ է ճանապարհներին 19։35-ի դրությամբ
Մեկնարկել է արտերկրում գտնվող Թուրքիայի քաղաքացիների քվեարկությունն առաջիկա ընտրությունների համար
Քաղաքականություն
27.04.2023 | 13:31
Թուրքիայում մայիսի 14-ին կայանալիք նախագահական և խորհրդարանական ընտրությունների համար սկսվել է արտասահմանյան ընտրողների ռեգիստրում գրանցված Թուրքիայի քաղաքացիների քվեարկությունը, գրում է Gercek News-ը։
Նշվում է, որ արտասահմանյան ընտրողների ռեգիստրում գրանցված քաղաքացիները, որոնք գտնվում են Եվրոպայում, կարող են քվեարկություն կատարել Եվրոպայի հետ Թուրքիայի սահմանային դարպասների մոտ՝ Կապիկուլե, Իփսալա, Պազարկուլե, Համզաբեյլի և Դերեքոյ:
Ընտրողները, որոնք ցանկանում են քվեարկել մաքսատան մոտ, պետք է մոտենան նախատեսված հարթակին և քվեարկելու մասին տեղեկացնեն հանձնաժողովին, որը բաղկացած է նախագահից, պետական պաշտոնյայից և Թուրքիայի վերջին համընդհանուր ընտրություններում առաջին երեք քաղաքական կուսակցությունների կողմից առաջադրված անձանցից:
Սահմանային դարպասների մոտ քվեարկությունը լինելու է 24-ժամյա ռեժիմով և ավարտվելու է մայիսի 14-ին՝ տեղական ժամանակով 17։00-ին։
Էմմա Չոբանյան
