27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Թուրքիայի ներքին գործերի նախարարն այցելել է Պոլսի Հայոց պատրիարքարան․ ԼՈՒՍԱՆԿԱՐՆԵՐ
Քաղաքականություն
27.04.2023 | 12:32
Թուրքիայի ներքին գործերի նախարար Սուլեյման Սոյլուն նախօրեին այցելել է Ստամբուլի Ֆաթիհ թաղամասում գտնվող Պոլսի Հայոց պատրիարքարան ու շնորհակալություն հայտնել Հայոց պատրիարքին երկրաշարժի գոտուն ցուցաբերած աջակցության համար, գրում են թուրքական լրատվամիջոցները։
«Այստեղից պետք է օրինակ ցույց տալ ողջ աշխարհին։ Պետք է միասին ցույց տան Ստամբուլի, Անատոլիայի քաղաքակրթության, միասին ապրելու և միասին ուժեղ լինելու ըմբռնումը»,- հայտարարել է նա։ Հայոց պատրիարք Սահակ Մաշալյանն էլ իր հերթին շնորհավորել է մահմեդականների տոների կապակցությամբ։
«Ձեր ջանքերով և մեր պետության բժշկող ձեռքերով հուսով ենք, որ այնտեղի մեր քաղաքացիները որքան հնարավոր է շուտ կվերադառնան իրենց բնականոն կյանքին։ Հեշտ չի լինելու, բայց մենք բոլորս մեկ երկիր ենք, մեկ սիրտ։ Միասին մենք կհաղթահարենք սա»,-ասել է Հայոց պատրիարքը։
Շնորհակալություն հայտնելով Սոյլուին պատրիարքարանին ցուցաբերած աջակցության համար՝ Մաշալյանն ասել է․ «Երբ ինչ-որ խնդիրներ ենք ունենում, գիտենք, որ ականջներ կան, որ լսում են մեզ։ Մենք ձեր մեջ տեսանք մեր պետության, կառավարության և ԱԶԿ-ի ժպտերես ու դրական դեմքը։ Ինչ-որ կերպ, 20 տարի առաջ, փոքրամասնությունների համայնքների կյանքում կարևոր շրջադարձ է եղել։Փոքրամասնություն լինելը հեշտ չէ. Ցանկացած երկրում փոքրամասնություն լինելը հեշտ չէ։ Բայց այս գործընթացը կարելի է դրականի վերածել պետության մոտեցմամբ»։
Հայոց պատրիարքը նաև շնորհակալություն է հայտնել իշխող ԱԶԿ կուսակցությանը համայնքի անդամ Սևան Սըվաջըօղլուին պատգամավորի թեկնածու առաջադրելու համար։
Էմմա Չոբանյան
