27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Թբիլիսիում հարձակվել են ապրիլքսանչորսյան երթի մասնակցի վրա․ գործ է հարուցվել
Քաղաքականություն
26.04.2023 | 21:30
Թբիլիսիում Հայոց ցեղասպանության ճանաչման պահանջով խաղաղ ցույցի մասնակիցներին վիրավորել են, նրանցից մեկի դեմ հարձակվել՝ փորձելով խեղդամահ անել, «Ալիք մեդիայի» փոխանցմամբ՝ տեղեկացնում է «Վրաստանի Հայ Համայնք» հասարակական կազմակերպության նախագահ Արթուր Միրզոյանը։
«Ապրիլքսանչորսյան խաղաղ ցույցից անմիջապես հետո ավտոբուսի կանգառում տարիքով մի կին (նրա ինքնությունը պարզ է․ ներկաները լուսանկարել են) վիրավորել է երթի մասնակիցներին, այնուհետև հարձակվել է նրանցից մեկի՝ երեսին Հայաստանի դրոշը պատկերված աղջկա վրա, սեղմելով կոկորդը, փորձել է խեղդամահ անել», — ֆեյսբուքյան իր էջում գրել է Միրզոյանը։
ՀԿ-ի նախագահը նշել է, որ դեպքի առնչությամբ գործ է հարուցվել, տուժած երիտասարդի շահերը պատրաստակամություն է հայտնել պաշտպանել հայ համայնքային գործիչ, փաստաբան Արթուր Մուրադյանը։
«Գործը հարուցվել է, սպասում ենք, որ մեղավորը՝ անկախ իր տարիքից, կպատժվի, և դա դաս կլինի մյուսների համար։ Մենք բոլորս կանգնած ենք աղջկա կողքին, մեր ամուր աջակցությունն ենք հայտնում նրան»։
Ի դեպ, այս տարի սա երկրորդ հարձակումն է հայ համայնքի ներկայացուցիչների վրա։ Ապրիլի 24-ի նախօրեին անհայտ անձինք ծեծի էին ենթարկել Հայոց ցեղասպանության թբիլիսյան ակցիաները կազմակերպող «Վրաստանի Հայ Համայնք» ՀԿ-ի նախագահ Արթուր Միրզոյանին։
