26.10.2026 | 13:08
Ալեն Սիմոնյանն ու Կիպրոսի դեսպանը քննարկել են երկկողմ հարաբերություններն ու տարածաշրջանային զարգացումները
Ադրբեջանը սսկվելո՛ւ է՝ հենց ուժ ցույց տվեցինք․ թալանչիներից բռնագանձե՛ք միլիարդները, բանակը զինեք․ Նորայր Նորիկյան․ ՏԵՍԱՆՅՈՒԹ
Քաղաքականություն
26.04.2023 | 20:02
Պաշտոնական Մոսկվան հայտնել է, որ բանակցություններ են ընթանում ՌԴ խաղաղապահների և Ադրբեջանի միջև՝ անցակետի հարցով։ Կան չհերքված տեղեկություններ, որ պաշտոնանկ է արվել Արցախում տեղակայված ռուս խաղաղապահ զորախմբի հրամանատար Անդրեյ Վոլկովը, և որ նրան այդ պաշտոնում կփոխարինի ՌԴ ՊՆ ղեկավար Սերգեյ Շոյգուի խորհրդական Ալեքսանդր Լենցովը։
Factor TV-ին տված հարցազրույցում «Արդար Հայաստան» կուսակցության ղեկավար, փաստաբան Նորայր Նորիկյանին հարց ուղղեցինք՝ իրեն հասկանալի դարձա՞վ, թե ինչո՞ւ և ի՞նչ պայմաններում Ադրբեջանը կարողացավ հասնել նրան, որ այսօր հասել է Արցախի տոտալ բլոկադայի՝ անցակետ տեղադրելով վերահսկողություն վերցնելով ելք և մուտքի նկատմամբ։ Ադրբեջանը վերահսկում է նաև Արցախի շուրջ բարձունքները։
«Ադրբեջանն ուժով վերացրեց նոյեմբերի 9-ի հայտարարությունը՝ ՌԴ-ի թողտվությամբ։ Լաչինը ռուսական հսկողության տակ պիտի լինի։ Ես կարծում եմ, որ ճիշտ արեց ՀՀ-ն՝ մերժելով Սյունիքով միջանցքը, քանի որ դա պետականությունը ջարդելու քայլ կլիներ։ Բայց չպիտի թույլ տանք էթնիկ զտման ենթարկել ԼՂ-ն։ Անցակետ դնելը նշանակում է՝ Արցախի տարածքի նկատմամբ Ադրբեջանի օրենքներ են գործում արդեն։ Անցակետում զննելու են, խուզարկելու են։ Արցախի նկատմամբ Ադրբեջանի գերիշխանություն հաստատվեց, արցախահայությունը համակերպվելո՞ւ է»,- ասաց Նորայր Նորիկյանը։
Հարցազրույցն ամբողջությամբ՝ տեսանյութում։
Ռոբերտ Անանյան
