«Բլոկադաները երկար են տևում». պատանդ դարձած 120 000 արցախցիներին ՔՊ-ականի չհուսադրող առաջարկը․ ՏԵՍԱՆՅՈՒԹ

Լուրեր

19.02.2026 | 16:35
ԱՄՆ-ը սկսել է Սիրիայից դուրս բերել իր վերջին զորքերը. WSJ
19.02.2026 | 16:26
«Նոայի» ֆուտբոլային կոմիքսն ու «ԱԶ Ալկմարի» տեսաանդրադարձը Երևանին․ ՏԵՍԱՆՅՈՒԹ
19.02.2026 | 16:17
«Քարֆուր»-ում վտանգավոր սննդամթերք է արտադրվել․ ՍԱՏՄ
19.02.2026 | 16:10
Դատավորներն ազատ են խոսել իրենց և գործընկերների կարգապահական գործերի մասին․ Զորայր Հարությունյան․ ՏԵՍԱՆՅՈՒԹ
19.02.2026 | 16:06
Ուկրաինայի ԶՈՒ հարձակումներից հետո Բելգորոդում և հարակից շրջանում էլեկտրաէներգիայի անջատումներ են
19.02.2026 | 15:55
Ադելիա Պետրոսյանն ունի մեդալ նվաճելու բոլոր շանսերը․ օլիմպիական չեմպիոն Մարինին
19.02.2026 | 15:49
Որոնք են ՀՀ-ում առավել մեծ թվով մշտական բնակություն ունեցող 1-ին չորս ազգային փոքրամասնությունները՝ ըստ մարդահամարի տվյալների
19.02.2026 | 15:38
Ձերբակալվել է Մեծ Բրիտանիայի թագավորի եղբայր Էնդրյուն. BBC
19.02.2026 | 15:30
Գյուլագարակի անտառապետը ձերբակալվել է
19.02.2026 | 15:22
«Ոչ թե Ծառուկյանի տունն է զննության ենթարկվել, այլ  նրան պատկանող հողատարածքը». փաստաբանը մանրամասներ է ներկայացնում 
19.02.2026 | 15:21
Երևանում ինչ են քննարկել Եվրոպական հանձնաժողովի բարձրաստիճան պաշտոնյաները
19.02.2026 | 15:10
Հաջիևը հայտարարել է, թե Ռուբեն Վարդանյանի դատավճիռը «ոչ միայն արդարադատության իրականացում է, այլև 30-ամյա հակամարտության ավարտ»
19.02.2026 | 15:02
Բագրատ արքեպիսկոպոս Գալստանյանի և մյուսների գործով դատական նիստը. ՈՒՂԻՂ
19.02.2026 | 15:00
ՀՀ-ում բենզինի գնի նվազում է կանխատեսվում // Աջափնյակի կրակոցներից տուժածների վիճակը կայուն է․ ԼՈՒՐԵՐ
19.02.2026 | 14:56
Նախագահ Վահագն Խաչատուրյանը Հունաստանում այցելել է Բյուզանդական և քրիստոնեական մշակույթի թանգարան
Բոլորը

Արդեն երրորդ օրն է՝ զինված ադրբեջանցիները փակ են պահում Հայաստանն ու Արցախը միմյանց կապող Հակարիի կամուրջը, որը գտնվում է Լաչինի միջանցքում՝ ռուսական խաղաղապահ զորախմբի վերահսկողության գոտում։ Բաքուն պաշտոնապես հայտարարել է, որ կամրջին անցակետ է տեղադրել՝ վերահսկելու Արցախ մուտք ու ելք անող բոլոր տրանսպորտային միջոցները։ Անցակետի տեղադրումից հետո հայկական մեքենաների երթևեկությունը դադարեցվել է։

Ըստ Արցախի իշխանությունների՝ Հակարիի կամուրջը բացելու շուրջ բանակցություններ են ընթանում ռուսական խաղաղապահ զորախմբի ղեկավար Անդրեյ Վոլկովի և ադրբեջանական կողմի միջև, Ստեփանակերտից ու Երևանից ներկայացուցիչներ չեն մասնակցում։ Արցախի ԱԺ-ի ընդդիմադիր պատգամավոր Մետաքսե Հակոբյանի խոսքով՝ այդ բանակցությունները, եթե կան էլ, ապա դրական ելք չեն ունենալու։

Հայաստանի իշխանությունները, որ նախկինի նման այլևս չեն հայտարարում՝ ՀՀ-ն Արցախի անվտանգության երաշխավորն է՝ այդ խնդիրը դուրս թողնելով նաև կառավարության կատարողականի մասին զեկույցից, չեն շտապում ստեղծված իրավիճակի հանգուցալուծման ուղիներ մատնանշել։

ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանն արցախցիներին հորդորում է դիմանալ շրջափակմանը, այն կարող է երկար տևել։ Արցախի խորհրդարանի պատգամավոր Մետաքսե Հակոբյանն Անդրանիկ Քոչարյանի այս մեկնաբանությանը կոշտ քննադատությամբ է արձագանքում։

Դեռևս դեկտեմբերից Լաչինի միջանցքի փակման հետևանքով առաջացած հումանիտար ճգնաժամը կարող է անցակետի տեղադրման հետևանքով հումանիտար աղետի վերածվել։ Շուշիի շրջանի Հին Շեն, Մեծ Շեն, Եղցահող և Լիսագոր համայնքները դեռ չորս ամիս առաջ կորցրել էին կապը մայրաքաղաք Ստեփանակերտի հետ, հիմա էլ արդեն չորրորդ օրն է՝ այս գյուղերը կտրված են նաև Գորիսից և ՀՀ-ի մյուս բնակավայրերից։ Լիսագորի համայնքապետ Գրիգոր Նասիբյանն ասում է՝ մի քանի օրից սննդամթերքի, դեղորայքի և մյուս առաջին անհրաժեշտության պարագաների պակասը զգացնել կտա։

Հայաստանի իշխանության ներկայացուցիչները ստեղծված իրավիճակում մատնանշում են ՌԴ խաղաղապահների բացթողումը։

Խորհրդարանի ընդդիմադիրներն էլ մեղադրում են իշխանություններին՝ հիշեցնելով, որ 2022 թվականի օգոստոսին, երբ Բերձորի շրջանը հանձնվեց Ադրբեջանին, անհրաժեշտ քայլեր չձեռնարկվեցին, որ այլընտրանքային ճանապարհն անվտանգ լինի։

Ռուսական խաղաղապահ զորախմբի տեղակայումը չի խանգարել, որ Արցախը տարածքային կորուստներ ունենա։ 2022-ի մարտին Ասկերանի շրջանում գտնվող Քարագլուխ բարձունքի մի մասը, Փառուխ գյուղն անցան հակառակորդին, նույն թվականի օգոստոսին էլ ադրբեջանական ԶՈՒ-ն բռնազավթեց Եղցահող գյուղին պատկանող հողատարածքները, դեկտեմբերից առ այսօր թշնամական կողմը փակել է Լաչինի միջանցքը։ Կիրակի օրվանից ադրբեջանցիներն արդեն փակեցին Հակարիի կամուրջը։ Այս բոլոր տարածքները գտնվում են անվտանգության երաշխավոր համարվող ռուս խաղաղապահների վերահսկողության ներքո։

Մանրամասները՝ տեսանյութում։

Նարեկ Կիրակոսյան