19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
ՄԱԿ-ում Ադրբեջանի ներկայացուցիչը հայտարարել է, որ Բաքուն ՀՀ-ից 8 սահմանային գյուղ է «պահանջում»
Քաղաքականություն
25.04.2023 | 18:39
ՄԱԿ-ում Ադրբեջանի մշտական ներկայացուցիչ Յաշար Ալիևը հայտարարել է, որ Հայաստանի հետ հարաբերությունների լիարժեք կարգավորման համար «Երևանը պետք է կատարի Բաքվի ութ պայման», այդ թվում՝ 8 սահմանային գյուղ «վերադարձնի»։ Այս պայմանների մասին նա հայտարարել է Նյու Յորքում ՄԱԿ-ի Անվտանգության խորհրդում բանավեճի ժամանակ, փոխանցում է «Ինտերֆաքս-Ադրբեջանը»։
«Հայաստանը պետք է ամբողջությամբ դուրս բերի իր զինված ուժերն ու անօրինական զինված կազմավորումներն Ադրբեջանի տարածքից, վերադարձնի Ադրբեջանի դեռևս օկուպացված ութ սահմանամերձ գյուղերը, դադարեցնի և ձեռնպահ մնա տարածքային պահանջներից, անօրինական գործողություններից և ապատեղեկատվությունից, վերջ դնի ականային ահաբեկչությանը, լույս սփռի հակամարտության ընթացքում անհետացած մի քանի հազար ադրբեջանցիների ճակատագրի վրա, վերականգնի Ադրբեջանին հասցված վնասը և բարեխղճորեն բանակցի երկու պետությունների միջև խաղաղության պայմանագրի և սահմանների սահմանազատման շուրջ»,- հայտարարել է Յաշար։
Տաթև Ֆռանգյան
