14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Միքայել Արզումանյանը ևս 3 ամիս կմնա կալանավորված
Հասարակություն
25.04.2023 | 17:29
Հակակոռուպցիոն դատարանը՝ նախագահությամբ դատավոր Վարդգես Սարգսյանի, որոշել է Արցախի պաշտպանության բանակի նախկին հրամանատար Միքայել Արզումանյանի նկատմամբ ընտրված կալանավորման ժամկետը երկարացրել է 3 ամսով։
Այս մասին տեղեկությունը Factor.am-ի հետ զրույցում հաստատեցին դատարանից։ Նշենք, որ այսօր Միքայել Արզումանյանի գործով նախնական դատալսումներ էին։ Նիստը դռնփակ է քննվել սակայն մեզ հայտնի է, որ դրա ընթացքում պաշտպան Երեմ Սարգսյանի կողմից ներկայացվել է միջնորդություն՝ այն դռնբաց քննելու վերաբերյալ, որը դատարանը մերժել է։
Մերժվել է նաև գործով դատախազներին ներկայացված բացարկի միջնորդությունը։
Արզումանյանը մեղադրվում է 2020 թվականի ապրիլյան պատերազմի ժամանակ «Արեգա» բարձունքը ազատագրած անձնակազմին նահանջի հրաման տալու, ինչպես նաև՝ Շուշիի պաշտպանության կազմակերպման ընթացքում ծառայողական պարտականությունների նկատմամբ անփույթ վերաբերմունք դրսևորելու մեջ, մեղադրանքը չի ընդունում։
Արաքս Մամուլյան
