08.10.2026 | 16:52
Հայտնի է Արման Ծառուկյանի հաջորդ մրցակիցը RAF-ում. ԼՈՒՍԱՆԿԱՐ
Պարույր Հովհաննիսյանը հանդիպում է ունեցել ճանաչողական այցով Հայաստանում գտնվող արգենտինացի լրագրողների, գործարարների, իրավաբանների և հասարակական գործիչների պատվիրակության հետ
Քաղաքականություն
25.04.2023 | 18:17
Ապրիլի 25-ին ՀՀ ԱԳ նախարարի տեղակալ Պարույր Հովհաննիսյանը հանդիպում է ունեցել ճանաչողական այցով Հայաստանում գտնվող արգենտինացի լրագրողների, գործարարների, իրավաբանների և հասարակական գործիչների պատվիրակության հետ․ տեղեկացնում են ՀՀ ԱԳՆ-ից։
ԱԳ նախարարի տեղակալը հյուրերին ներկայացրել է հայ-արգենտինյան երկկողմ ավանդական բարեկամական հարաբերությունների դրական ընթացքը: Այդ առնչությամբ շեշտվել է պարբերական քաղաքական երկխոսությունը, իրավապայմանագրային դաշտի ընդլայնումը, առևտրատնտեսական և միջխորհրդարանական, մշակութային կապերի զարգացումը:
Պարույր Հովհաննիսյանը ներկայացրել է Լեռնային Ղարաբաղի հակամարտության շուրջ ստեղծված ներկա իրավիճակը, 2023թ. ապրիլի 23-ին Ադրբեջանի իշխանությունների կողմից Լաչինի միջանցքի շարունակվող արգելափակման և ապօրինի անցակետի տեղադրման հանգամանքը, ինչը կոպտորեն ոտնահարում է 2020թ․ նոյեմբերի 9-ի եռակողմ հայտարարության 6-րդ կետը։ Այդ առնչությամբ շեշտվել է միջազգային դերակատարների հասցեական արձագանքների կարևորությունը՝ ճնշում գործադրելու Ադրբեջանի վրա վերացնելու ապօրինի շրջափակումը և կատարելու Արդարադատության միջազգային դատարանի կողմից փետրվարի 22-ին կայացված որոշումը:
Տեղի ունեցել նաև մտքերի փոխանակում տարածաշրջանային ու միջազգային օրակարգի հրատապ խնդիրների շուրջ։
