23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Նիկոլ Փաշինյանը կհանդիպի Ազատի կացարանում այրված զինծառայողների ծնողների հետ
Հասարակություն
25.04.2023 | 16:38
Ապրիլի 27-ին վարչապետ Նիկոլ Փաշինյանը կհանդիպի Ազատ գյուղի զինվորական կացարանում հրդեհից զոհված 15 զինծառայողների ծնողների հետ։ Այս մասին հայտնում է ծնողների լիազոր ներկայացուցիչ Նորայր Նորիկյանը։ «Հանդիպումը լինելու է փակ, որին մասնակցելու են բացառապես զոհված զինծառայողների ծնողները»,- գրել է Նորիկյանը։
Հիշեցնենք՝ հրդեհից անցել է ավելի քան երեք ամիս, և զինվորների ծնողները դժգոհ են գործի քննության ընթացքից։ Ապրիլի 18-ին զոհված զինվորների հարազատները փակել էին Երևան-Սևան մայրուղին, իսկ փետրվարի 18-ին բողոքի ակցիա էին իրականացրել Կառավարության շենքի դիմաց։ Մինչ այդ էլ մի քանի անգամ իրենց բողոքի ձայնն են բարձրացրել ՀՀ պաշտպանության նախարարության շենքի դիմաց։ Բողոքի այս գործողությունների ընթացքում նրանք պահանջում էին հանդիպում վարչապետի ու պաշտպանության նախարարի հետ, բայց վերջիններս չէին շտապում ընդունել նրանց։ Այս ընթացքում ծնողների հետ հանդիպել է միայն զինդատախազ Գրիգոր Էլիզբարյանը:
Արփի Հակոբյան
