27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Ադրբեջանի, Բուլղարիայի, Ռումինիայի, Հունգարիայի և Սլովակիայի գազային համակարգերի օպերատորները համագործակցության զարգացման պայմանագիր են ստորագրել
Քաղաքականություն
25.04.2023 | 20:45
Սոֆիայում տեղի է ունեցել Բուլղարիայի (Bulgartransgaz), Ռումինիայի (Transgas), Հունգարիայի (FGSZ), Սլովակիայի (Eustream) և Ադրբեջանի (SOCAR) գազային համակարգերի օպերատորների միջև համագործակցության զարգացման մասին փոխըմբռնման հուշագրի ստորագրման արարողությունը, գրում են ադրբեջանական լրատվականները։
Փաստաթուղթը ստորագրվել է Բուլղարիայի նախագահ Ռումեն Ռադևի և Ադրբեջանի նախագահ Իլհամ Ալիևի ներկայությամբ։ Հուշագիրը ստորագրել են Ադրբեջանի, Բուլղարիայի և Ռումինիայի էներգետիկայի նախարարներ Փարվիզ Շահբազովը, Ռոսեն Խրիստովը և Վիրջիլ-Դանիել Պոպեսկուն, ինչպես նաև Հունգարիայի արտաքին գործերի և առևտրի նախարար Պետեր Սիյարտոն և Սլովակիայի էկոնոմիկայի նախարար Կարել Հիրմանը։
Հուշագրով սահմանվում են գազահաղորդման համակարգերի օպերատորների համագործակցության ոլորտները Եվրոպա լրացուցիչ գազի մատակարարումների համար։
Գազի հավելյալ մատակարարումներն իրականացվելու են Բուլղարիայի, Ռումինիայի, Հունգարիայի և Սլովակիայի գազի փոխանցման համակարգերի բարելավված ցանցի միջոցով, որը կոչվում է «Համերաշխության օղակ»։
Էմմա Չոբանյան
