25.10.2026 | 13:21
ՀՀ-ում աշխատատեղերի խնդիր չկա. տաջիկներ, հնդիկներ, պարսիկներ են աշխատում. Ստեփանավանում ՔՊ-ի թեկնածու. ՏԵՍԱՆՅՈՒԹ
Նահանջի հրաման չի տրվել․ պաշտպան Երեմ Սարգսյանը՝ Միքայել Արզումանյանի մեղադրանքի մասին․ ՏԵՍԱՆՅՈՒԹ
Հասարակություն
25.04.2023 | 16:06
2020 թվականի ապրիլյան պատերազմի ժամանակ «Արեգա» բարձունքը ազատագրած անձնակազմին նահանջի հրաման տալու, ինչպես նաև՝ Շուշիի պաշտպանության կազմակերպման ընթացքում ծառայողական պարտականությունների նկատմամբ անփույթ վերաբերմունք դրսևորելու մեջ մեղադրվող գեներալ-լեյտենանտ Միքայել Արզումանյանը չի ընդունում իրեն առաջադրված մեղադրանքը։ Այս մասին դատարանի դիմաց գտնվող լրագրողներին Արզումանյանի դատական նիստից առաջ ասաց նրա պաշտպան Երեմ Սարգսյանը։
Ըստ պաշտպանի՝ Արզումանյանը Պաշտպանության բանակի հրամանատար է նշանակվել այն ժամանակ, երբ պատերազմից մեկ ամիս էր անցել ու բանակն արդեն ծայրահեղ բարդ վիճակում էր գտնվում։ Գործում առկա են իրավասու պաշտոնատար անձանց ցուցմունքներ, որոնց համաձայն՝ Միքայել Արզումանյանի նշանակվելուն հաջորդած մի քանի օրերի ընթացքում իրավիճակը կտրուկ փոխվել է հօգուտ յուրային ուժերի, յուրային զոհերի քանակը մի քանի անգամ կրճատվել է։
Ինչ վերաբերում է Արեգա բարձունքից նահանջի հրամանին, Երեմ Սարգսյանն ասաց, որ նման հրաման չի տրվել, իսկ Միքայել Արզումանյանի դեմ ցուցմունք տված անձինք որոշակի շահեր են ունեցել, ցուցմունքները համաձայնեցրել են միմյանց հետ, և այս հանգամանքների մասին իրենք կխոսեն հետագայում։
Մանրամասները՝ տեսանյութում։
Արաքս Մամուլյան
