06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Թմրանյութերի տարածումն ունի հովանավորչություն իշխանական լծակներ ունեցողների կողմից․ Արծվիկ Մինասյան․ ՏԵՍԱՆՅՈՒԹ
Հասարակություն
25.04.2023 | 12:49
Նախորդ երեքշաբթի մեկնարկած Ազգային ժողովի արտահերթ նիստն այսօր շարունակվում է։ Պատգամավորները երկրորդ ընթերցմամբ քննարկում են «Ոստիկանությունում ծառայության մասին» օրենքում լրացումներ և փոփոխություններ կատարելու մասին նախագիծը։ Ներքին գործերի փոխնախարար Արփինե Սարգսյանը հայտարարեց, որ 2023 թվականը ոստիկանության համար թմրամիջոցների շրջանառության դեմ պայքարի տարի է։
«Ըստ օդում կախված լուրերի, նաև մամուլում բազմաթիվ հրապարակումների համաձայն, թմրանյութերի տարածումն ունի առերևույթ որոշակի հովանավորչություն, իշխանական որոշակի լծակներ, կամ այդպիսին ներկայացող անձանց կողմից»,- հայտարարեց «Հայաստան» խմբակցության պատգամավոր Արծվիկ Մինասյան։
Պատգամավորի խոսքով՝ այս տեսակետից համակարգային պայքարը պետք է վերաբերի բոլոր ուղղություններին և անձանց՝ անկախ զբաղեցրած դիրքից, դերից, ունեցած հնարավորությունից։
«Անչափահասների շրջանում, դպրոցներում, նաև զինված ուժերում, այն բոլոր ոլորտներում, որոնք մեր անվտանգության համակարգերի հետ են կապված, պատիժն ու պատասխանատվությունը շատ կոշտ պետք է լինի»,- ընդգծեց Մինասյանը։
ԱԺ փոխնախագահ Հակոբ Արշակյանն արձագանքելց՝ առաջարկելով, որ եթե նման փաստեր կան, Արծվիկ Մինասյանը դիմի դատախազություն, ինքն էլ իր կողմից կաջակցի այդ հարցում։
Մանրամասները՝ տեսանյութում։
