Հայաստանում բավարար չափով բարձրակարգ հրաձգարաններ չկան․ Հակոբ Արշակյան․ ՏԵՍԱՆՅՈՒԹ

Հայաստանում «Զենքի շրջանառության կարգավորման մասին» օրենքի ուժի մեջ մտնելը ապրիլի 28-ից կհետաձգվի մինչև հուլիսի 1-ը:
ՆԳ փոխնախարար Արփինե Սարգսյանն ԱԺ արտահերթ նիստում հիշեցրեց, որ օրինագիծը քննարկվել է հոկտեմբերին և ստորագրվել 2022-ի հոկտեմբերի 27-ին՝ պայմանով, որ այն ուժի մեջ կմտնի 6 ամսից, այսինքն՝ ապրիլի 28-ից։ Դրա համար կառավարությունն ու ՆԳՆ-ն պետք է ընդունեին մի շարք ենթաօրենսդրական ակտեր, որոնք ամբողջությամբ չեն ընդունվել։ Փոխնախարարը վստահեցրեց, որ մինչև հուլիսի 1-ը դա կարվի։

Նշենք, որ ըստ օրինագծի՝ արգելվում է բնակավայրերից և ճանապարհներից 500 մետրից պակաս հեռավորության վրա օգտագործել ողորկափող զենք, իսկ ակոսափող զենքերի համար այդ տարածությունը 5000 մետր է:

ԱԺ փոխնախագահ Հակոբ Արշակյանը, դիմելով փոխնախարարին՝ հետաքրքրվեց, թե օրենքով կատարված փոփոխություններն արդյո՞ք կազդեն քաղաքացիական կամ մասնավոր հրաձգարաններ հիմնելու գործընթացի վրա։

Սարգսյանը պատասխանեց, որ օրենքում կատարված փոփոխությունների համաձայն, ըստ էության, բացվում է դաշտը․ համապատասխան չափանիշների պահպանմամբ մասնավոր հատվածը ևս կկարողանա օգտվել հրաձգարան հիմնելու հնարավորությունից։

Հակոբ Արշակյանը նկատեց, որ Հայաստանում բավարար չափով բարձրակարգ հրաձգարաններ չկան։ ԱԺ փոխնախագահը հորդորեց լրացուցիչ ակտերը մշակելիս հաշվի առնել միջազգային փորձը և քաղաքին մոտիկ բարձրակարգ հրաձգարաններ բացել, որպեսզի քաղաքացիները զենքի կիրառման հնարվորություն ստանան, ինչը պաշտպանության համակարգին օգտակար կլինի։

Մանրամասները՝ տեսանյութում։