27.06.2026 | 11:42
Ուկրաինան հրթիռային հարված է հասցրել «Օրեշնիկ» արտադրող գործարանին
Ադրբեջանն ու Վրաստանը ռազմական համագործակցության համաձայնագիր են ստորագրել
Քաղաքականություն
24.04.2023 | 18:39
Ադրբեջանի պաշտպանության նախարար Զաքիր Հասանովն այսօր ընդունել է պաշտոնական այցով Ադրբեջանում գտնվող Վրաստանի պաշտպանության նախարար Ջուանշեր Բուրչուլաձեին։ Ադրբեջանի ՊՆ-ն հաղորդում է, որ հանդիպման ընթացքում քննարկվել են տարածաշրջանում խաղաղության և անվտանգության ապահովման, ռազմական, ռազմատեխնիկական, ռազմակրթական ոլորտներում համագործակցության ընդլայնման և փոխադարձ հետաքրքրություն ներկայացնող այլ հարցեր։
Բացի այդ, կողմերը նաև քննարկել են Ադրբեջանի, Թուրքիայի և Վրաստանի միջև երկկողմ ու եռակողմ համագործակցության զարգացման հեռանկարները, տեղի է ունեցել մտքերի փոխանակում համատեղ վարժանքների և աշխատանքային հանդիպումների ինտենսիվության բարձրացման շուրջ։
Հանդիպման ավարտին Ադրբեջանի և Վրաստանի կառավարությունների միջև կնքվել է պաշտպանության ոլորտում համագործակցության համաձայնագիր։
Հավելենք, որ Վրաստանի ՊՆ ղեկավարն այսօր հանդիպել է նաև Ադրբեջանի նախագահ Իլհամ Ալիևին։
«Իլհամ Ալիևն ու Վրաստանի պաշտպանության նախարարը քննարկել են համագործակցության հեռանկարները և տարածաշրջանային անվտանգության հարցեր»,- ասվում էԱդրբեջանի նախագահականի տարածած հաղորդագրության մեջ։
Էմմա Չոբանյան
