03.10.2026 | 22:08
Հայաստանի հավաքականը ժամանել է Պոդգորիցա
Ադրբեջանը թքում և ոչնչացնում է Նոյեմբերի 9-ը․ ՌԴ-ն իր պարտականությունն իրականացնո՞ւմ է, թե՝ ոչ․ Դավիթ Բաբայան․ ՏԵՍԱՆՅՈՒԹ
Քաղաքականություն
24.04.2023 | 16:32
Ադրբեջանը սկսել է Հայաստանի Հանրապետությունը Լեռնային Ղարաբաղին կապող Լաչինի միջանցքում անցակետ տեղադրել։ Բաքուն պնդում է, թե նման քայլի է դիմել «մարդուժի, սպառազինության, ականների, ինչպես նաև Հայաստանից ռազմական նշանակության մյուս միջոցների անօրինական տեղափոխման» պատճառով, ինչը, ըստ ադրբեջանական կողմի պնդումների, «2020 թվականի նոյեմբերի 10-ի եռակողմ հայտարարության խախտում է»։
Հայկական կողմը բազմիցս հերքել է Բաքվի այս մեղադրանքները՝ դրանք համարելով ռազմական սադրանքների պատրվակներ։
Factor TV-ին տված հարցազրույցում Արցախի նախագահի խորհրդական, հատուկ հանձնարարությունների գծով ներկայացուցիչ Դավիթ Բաբայանն ասում է, որ եթե Ադրբեջանն իսկապես անցակետ տեղադրի, և այն սկսի գործել, ԼՂ-ն կտրուկ, հրատապ, սկզբունքային քայլեր կիրականացնի։
«Ադրբեջանը ՌԴ-ի պատասխանատվության գոտում խայտառակ բաներ է անում։ Մենք չենք լինելու Ադրբեջանի կազմում, ինչ ուզում է՝ լինի։ Եթե Ադրբեջանը չապամոնտաժի անցակետը, կբարձրանա Արցախի կարգավիճակի հարց, ազգովի որոշենք՝ ի՞նչ ենք ուզում։ Ադրբեջանը թքում և ոչնչացնում է նոյեմբերի 9-ը․ ՌԴ-ն իր պարտականությունն իրականացնո՞ւմ է, թե՞ ոչ։ Հերի՛ք է այս կրկեսը, մեկը գոռում է՝ Պուտինին ենք նստեցնելու, մյուսը՝ Մակրոնին։ Աստվա՛ծ է պատժելու, ծանր վիճակ է, չենք փախչելու Արցախից, բայց ստրուկ չենք դառնալու։ ՌԴ-ն պիտի իր պարտականությունը կատարի։ Որտե՞ղ է գրված, որ Ադրբեջանի հետ համատեղ մաքսակետ պիտի լինի, ՌԴ-ի դեմ է անում, իրենք էլ ստատուս քվոն պետք է վերականգնեն»,- ասաց Դավիթ Բաբայանը։
Հարցազրույցն ամբողջությամբ՝ տեսանյութում։
Ռոբերտ Անանյան
