05.04.2026 | 17:21
Կալինինգրադում առևտրի կենտրոնում բռնկված հրդեհի տարածքը հասել է 1000 քառակուսի մետրի
Ադրբեջանցիները ոչ մի գյուղ էլ չեն մտել, նրանց առաջ գալու, հետ գնալու հետ դուք գործ չունեք․ ԳՇ պետ․ ՏԵՍԱՆՅՈՒԹ
Քաղաքականություն
24.04.2023 | 14:49
Իրավիճակը հարաբերականորեն կայուն է։ Այս մասին այսօր Ծիծեռնակաբերդի հուշահամալիրում Հայոց ցեղասպանության զոհերի հիշատակին հարգանքի տուրք մատուցելուց հետո լրագրողների հետ զրույցում հայտարարեց ՀՀ Զինված ուժերի Գլխավոր շտաբի պետ Էդվարդ Ասրյանը՝ անդրադառնալով սահմանային իրավիճակին:
ԳՇ պետը չպատասխանեց այն հարցին, թե արդյո՞ք այսօր Տեղում սահմանազատման աշխատանքներ են իրականացվում։
«Ես դրա հետ գործ չունեմ»,- նշեց Ասրյանը՝ շեշտելով, որ Գլխավոր շտաբի պետը սահմանազատման հարցերով չի զբաղվում։
«Սահմանազատման և սահմանագծման աշխատանքների համար ստեղծված է համապատասխան հանձնաժողով, այդ հանձնաժողովն այդ աշխատանքներով զբաղվում է, Գլխավոր շտաբի պետն ունի ներկայացուցիչ հանձնաժողովի կազմում, ձեր պատասխանները կարող է տալ հանձնաժողովը», – ասաց Ասրյանը։
ԳՇ պետի խոսքով՝ ադրբեջանցիները ոչ մի գյուղ էլ չեն մտել․ «Նրանց առաջ գալու, հետ գնալու հետ դուք գործ չունեք»։
Մանրամասները՝ տեսանյութում։
