25.11.2024 | 10:18
Վրաստանի խորհրդարանում գործարկվել է անվտանգության դեղին մակարդակ
Ադրբեջանի կողմից Լաչինի միջանցքում անցակետի տեղադրումը ՌԴ-ից կողմից լրացուցիչ միջնորդական ջանքեր է պահանջում․ Պեսկով
Քաղաքականություն
24.04.2023 | 14:42
Լաչինի միջանցքում Ադրբեջանի կողմից անցակետի տեղադրումը պահանջում է ՌԴ-ի լրացուցիչ միջնորդական ջանքերը, Մոսկվան շարունակում է նպաստել Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների իրականացմանը։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
Մեկնաբանելով Լաչինի միջանցքում Ադրբեջանի կողմից ապօրինաբար անցակետի տեղադրմանը՝ Պեսկովն ասել է, որ «իրավիճակն իսկապես բարդ է», «պահանջում է լրացուցիչ ջանքեր» և Երևանից և Բաքվից եռակողմ հայտարարությունների «ոչ այլընտրանքային իրականացման» ընկալում։
«Ռուսաստանը շարունակում է իր միջնորդական ջանքերը, հիմնականում՝ երկու տարի առաջ ստորագրված եռակողմ փաստաթղթերի բոլոր դրույթները կյանքի կոչելու ջանքերը: Ռուսաստանը կշարունակի այդ ուղղությամբ աշխատել Երևանի և Բաքվի հետ: Մենք շարունակում ենք մեր շփումները»,- ասել է Պեսկովը։
Հիշեցնենք, որ նախօրեին Ադրբեջանը, փաստացի չեղարկելով 2020 թվականի նոյեմբերի 9-ի եռակողմ հայտարարությունը, ապօրինաբար անցակետ է տեղադրել Լաչինի միջանցքում, որը գտնվում է ռուս խաղաղապահների վերահսկողության ներքո։
Էմմա Չոբանյան
