27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Գարեգին Բ-ն անպատասխան թողեց Փաշինյանի հայտարարության մասին հարցը․ ՏԵՍԱՆՅՈՒԹ
Հասարակություն
24.04.2023 | 12:22
Ամենայն հայոց կաթողիկոս Գարեգին Բ-ն Ծիծեռնակաբերդի հուշահամալիրում պատասխանել է լրագրողների հարցերին։
Մայր Աթոռը դատապարտում է ադրբեջանական իշխանությունների կողմից Արցախի ժողովրդի նկատմամբ գործողությունները։ Այս մասին Ծիծեռնակաբերդում լրագրողների հետ զրույցում ասաց Ն․Ս․Օ․Տ․Տ․ Ամենայն հայոց կաթողիկոս Գարեգին Երկրորդը` անդրադառնալով այն հարցին, որ ապրիլի 23-ին Ադրբեջանը անցակետ է տեղադրել Արցախը Հայաստանի հետ կապող ճանապարհին։
«Երեկ մենք տեղեկացանք հանցավոր և դատապարտելի այդ գործողության մասին, որ ադրբեջանական իշխանությունների կողմից գործադրվում է Արցախի մեր զավակների նկատմամբ։ Նպատակը շատ հստակ է` հայաթափել Արցախը և տիրանալ Արցախին։ Մենք դատապարտում ենք նման անմարդկային գործողությունը, որը պարբերաբար Արցախում իրականացվում է մեր ժողովրդի զավակաց նկատմամբ»,- Ամենայն հայոց կաթողիկոսը։
Նա խոսք հղեց Արցախի հավատավոր ժողովրդին` հորդորելով զորեղ մնալ հավատքով, ամուր` հոգով և կամքով, ինչպես նաև իրենց բնորոշ արիությամբ։
Գարեգին Երկրորդն ընդգծեց` Աստծո զորակցությամբ և օժանդակությամբ պետք է կարողանալ դիմագրավել այս փորձությանը։ Նրա խոսքով՝ ազգի համատեղ ջանքերով և միջազգային հանրության զորակցությամբ պետք է ապահովել արցախցու ազատ, ապահով և անվտանգ կյանքը։
Գարեգին Բ-ն անպատասխան թողեց Փաշինյանի հայտարարության մասին հարցը։ Հիշեցնենք՝ վարչապետ Նիկոլ Փաշինյանն օրերս ԱԺ-ում հայտարարել էր․ «Եթե եկեղեցու հարաբերությունները կառավարության հետ լավ չեն, ուրեմն եկեղեցու հարաբերությունները լավ չեն Աստծո հետ»։
Մանրամասները՝ տեսանյութում։
