Իրավապաշտպաններն ահազանգում են՝ Ադրբեջանում քաղբանտարկյալների թիվը կրկնապատկվել է

«Ադրբեջանի քաղբանտարկյալների ազատության միությունը» հրապարակել է քաղբանտարկյալների թարմացված ցուցակը, որում ընդգրկված է 182 մարդ։ Այն կազմվել են Խաղաղության և ժողովրդավարության ինստիտուտի տնօրեն Լեյլա Յունուսը և քաղբանտարկյալների մոնիտորինգի կենտրոնի ղեկավար Էլշան Հասանովը։ Փետրվարին նախորդ ցուցակի հրապարակումից հետո քաղբանտարկյալների թիվը գրեթե կրկնապատկվել է։ Այսպիսով, ցուցակում հայտնվել է 89 նոր անուն, և բոլորը հավատացյալներ են, կրոնական գործիչներ, «Մուսուլմանական միասնության» շարժման  անդամներ և աստվածաբաններ: Նրանց ձերբակալություններն ուղեկցվել են իշխանամետ լրատվամիջոցներում քարոզչական արշավով՝ հանրությանը համոզելու, «իրանական լրտեսական ցանցի գործակալներ» են։

Ցուցակը դասակարգված է յոթ խմբի։ Առաջինը՝ «Լրագրողներ և բլոգերներ» ներառված է 6 հոգի՝ Փոլադ Ասլանով, Աբիդ Գաֆարով, Օսման Ռզաև, բլոգերներ՝ Ասլան Գուրբանով, Ռաշադ Ռամազանով և Բախտիյար Հաջիև։

Երկրորդ՝ «Ընդդիմադիր կուսակցությունների և շարժումների անդամներ»՝ 6 մարդ՝ Ժողովրդական ճակատ կուսակցության անդամներ Նիյամեդդին Ահմեդովը, Շահին Ռզաևը, Ագիլ Գումբատովը և Ալիզամին Սալաևը, ինչպես նաև «Քաղաքացիներ և զարգացում» կուսակցության առաջնորդ Ալի Ալիևը և ակտիվիստ Էլչին Մամեդը։

Երրորդ՝ «Գերմանիայից արտաքսված քաղաքական միգրանտներ»՝ 5 հոգի՝ Փյունխան Քարիմլի, Ջաֆար Միրզոև, Մալիք Ռզաև, Մութալիմ Օրուջև և Սամիր Աշուրով։

Չորրորդ՝ «Հավատացյալներ, կրոնական գործիչներ»՝ 118 հոգի։ Նրանց թվում են Ադրբեջանի Իսլամական կուսակցության նախկին ղեկավար Իլհամ Ալիևը, «Մահմեդական միասնություն» շարժման առաջնորդ Թալեհ Բագիրզադեն, նրա օգնական Աբբաս Հուսեյնովը, աստվածաբան Սարդար Բաբաևը։

Հինգերորդ՝ «Տերտերի գործով դատապարտվածներ»՝ 8 հոգի, վեցերորդ՝ «Գյանջայի գործով դատապարտյալներ»՝ 26 հոգի, յոթերորդ՝ «Ցմահ դատապարտյալներ»՝ 13 հոգի։

Էմմա Չոբանյան