15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ՀՀ-ն երբեք պատերազմի մեջ չի եղել Ադրբեջանի հետ․ ինչո՞ւ ենք խաղաղության պայմանագիր ստորագրում․ Աղազարյան․ ՏԵՍԱՆՅՈՒԹ
Քաղաքականություն
20.04.2023 | 17:37
Ազգային ժողովում շարունակվում է քննարկվել Կառավարության 2021-2026թթ. ծրագրի 2022թ. կատարման ընթացքն ու արդյունքները:
«Հայաստանի Հանրապետությունը երբեք պատերազմի մեջ չի եղել Ադրբեջանի հետ»,- այս մասին հայտարարեց «Քաղաքացիական պայմանագիր» խմբակցության պատգամավոր Հովիկ Աղազարյանը՝ անդրադառնալով իշխանության վարած արտաքին քաղաքականությանը։
«Ես ինձ հարց եմ տալիս՝ մենք ինչո՞ւ խաղաղության պայմանագիր չենք ստորագրում օրինակ՝ Վրաստանի, Իրանի կամ Թուրքիայի հետ, բայց ուզում ենք կնքել Ադրբեջանի հետ։ Կասեք՝ իրենց հետ պատերազմի մեջ ենք։ Բայց ո՞վ է նման բան ասում։ Հայաստանի Հանրապետությունը երբեք պատերազմի մեջ չի եղել Ադրբեջանի հետ։ Արցախի ժողովուրդը ոտքի է կանգնել ինքնորոշման իրավունքին տեր կանգնելու համար, Ադրբեջանի իշխանությունը ցանկացել է այն արյան մեջ խեղդել, և Արցախի ժողովուրդը ոտքի կանգնեց իր իրավունքների պաշտպանության համար, Հայաստանից և այլ երկրներից էլ հազարավոր հայորդիներ գնացել և կանգնել են իրենց եղբայրների, քույրերի կողքին»,- ասաց Աղազարյանը։
«1994 թվականին, երբ ստորագրվեց զինադադարը, ես կարծում էի, որ Հայաստանը որպես միջնորդ է հանդես գալիս հակամարտող կողմերի համար, բայց հետագայում Արցախը դուրս բերվեց բանակցային գործընթացներից, որոշ իշխանավորներ, որոնք լեգիտիմ չեն եղել, Արցախի ժողովրդի հերոսական պայքարի դափնիները քաշեցին իրենց վրա, որ ավար բաժանեն
Հիմա ես, որպես իշխանավոր, պատասխանատո՞ւ եմ իրենց արարաքների համար։
Ես Ադրբեջանի և Ադրբեջանի ժողովրդի հետ ոչ մի խնդիր չունեմ, կոնֆլիկտը բոլորովին այլ տեղում է։
Քաղաքականությունը, որն իրականացնում է մեր իշխանությունը, միանշանակորեն ինձ համար ընդունելի է»,- նշեց Աղազարյանը։
Մանրամասները՝ տեսանյութում։
