Հոգեմետ վիճակ առաջացավ, պարզ չէ՝ ինչու․ Անդրանիկ Քոչարյանը՝ ԱԺ միջադեպի մասին․ ՏԵՍԱՆՅՈՒԹ

«Արդեն մեկ շաբաթ էր՝ ոնց որ Ազգային ժողովը ընդդիմադիր թևի հետ լավ գնում էր, ոնց որ աչքով տվեցին: Էնքան խոսեցինք հոգեմետ դեղերի մասին, մեկ էլ հոգեմետ վիճակ առաջացավ, ու պարզ չէ՝ ինչի, չէ՞ որ դրանից առաջ «Հայաստան» խմբակցության առաջարկով Տեղ գյուղի հետ կապված հրաշալի քննարկումներ ունեցանք, և շատ շահարկումներ դուրս եկան»,- իր ելույթում հայտարարեց ԱԺ ՔՊ խմբակցության պատգամավոր Անդրանիկ Քոչարյանը:
Ցույց տալով կառավարության ծրագիրը՝ Անդրանիկ Քոչարյանն ասաց՝ տիկինն ասում է, թե սա թղթի կտոր է. «Եթե թղթի կտոր է, այդ դեպքում հարցեր ինչո՞ւ էիք տալիս: Այդ դեպքում դուք չեք հասկանում, թե ինչ է պետությունը, պետականությունը և Սահմանադրությունը»:

Հիշեցնելով ԱԺ մարդու իրավունքների պաշտպանության հարցերով հանձնաժողովի նախագահի խոսույթը, որն ասում էր՝ «իմ հայրենիքը անպաշտպան է», Անդրանիկ Քոչարյանն ասաց. «Նախ դա մեր հայրենիքն է, ու եթե անպաշտպան է, ինչու են մեր զինվորները զոհվում. այս պարզ բաները չի հասկանում համապատասխան տիկինը»:
Պատգամավորը հավելեց, որ ինչ-որ մարդիկ ստվերում ոնց որ թե բավարարված չեն այս ընթացքից և ի սկզբանե ասել էին խրամատների, քոքերի մասին. «Այս ընթացքը նրանց ձեռք չի տալիս, որովհետև սա մեզ հնարավորություն էր տալիս համերաշխության միջավայր ստեղծել մեր երկրում. չուզեցին, ենթարկվեցին: Եղավ այն, ինչ եղավ. դա նրանց ընտրությունն էր»:

Հիշեցնենք՝ այսօր Ազգային ժողովում շարունակվում է քննարկվել Կառավարության 2021-2026թթ. ծրագրի 2022թ. կատարման ընթացքն ու արդյունքները:

Նշենք, որ անկախ պատգամավոր Թագուհի Թովմասյանն այսօր Ազգային ժողովում իր ելույթի ժամանակ հայտարարեց, որ քաղաքական ակցիա է անում և չի իջնելու ամբիոնից։

Մանրամասները՝ տեսանյութում։