26.11.2024 | 10:25
Ալիևը զանգահարել է Դոնալդ Թրամփին
Ադրբեջանը կորցրել է կապը իր Azersky արբանյակի հետ ու ժամանակից շուտ դադարեցրել շահագործումը
Քաղաքականություն
20.04.2023 | 18:16
Ադրբեջանի թվային զարգացման ու տրանսպորտի նախարարությունը հայտնում է, որ երկրի առաջին դիտման արբանյակի հետ կապը կորել է և այն ավարտել է իր առաքելությունը նախատեսված ժամկետից մեկ տարի շուտ՝ շահագործման 9-րդ տարում։ Նշվում է, որ արբանյակի հետ տեղեկատվության փոխանակումը դադարեցվել է։ Azercosmos-ը և արբանյակի արտադրողը փորձել են վերականգնել կապը, բայց չի հաջողվել։
Նշվում է, որ Արբանյակի կոմերցիոն գործունեության սկզբից ի վեր այն 105 մլն մանաթի շահույթ է բերել։ Բացի այդ, 150 մլն մանաթ արժողությամբ արբանյակային պատկերներ է փոխանցվել տարբեր պետական մարմիններին ու հիմնարկներին։ Արբանյակի հետ կապի խզման հնարավոր պատճառ է համարվում փոքր չափերի տիեզերական աղբի կամ երկնաքարի հետ բախումը։
Հավելենք, որ 2014թ-ին դեկտեմբերին Azercosmos-ը և ֆրանսիական Airbus Defense and Space ընկերությունը համաձայնագիր էին ստորագրել Azersky արբանյակը Azerkosmos-ի սեփականությանը հանձնելու վերաբերյալ։ Արբանյակը ուղեծիր էր դուրս բերվել 2014 թվականի հունիսին։
Էմմա Չոբանյան
