16.04.2026 | 22:48
Թուրքիայում ուսուցիչները բողոքի ցույցեր են անցկացրել դպրոցներում զինված հարձակումներից հետո
Ատոմակայանի հաշվարկներում պետք է շտապենք․ տարեվերջին կունենանք որոշում․ Սանոսյան․ ՏԵՍԱՆՅՈՒԹ
Տնտեսություն
20.04.2023 | 14:54
«Ատոմակայանի վերազինման մեծածավալ աշխատանքներ են իրականացվել, և արդյունքում երկարաձգվեց ատոմակայանի աշխատանքի ժամկետը։ Հիմա երկրորդ փուլում ենք։ Աշխատանք կա անելու, որովհետև ժամկետը կերկարացնենք մինչև 2036թ․-ը։ Նախանշված է իրականացնել սեպտեմբեր-հոկտեմբերից՝ 2-3 տարում ավարտելով։ Իսկ նոր ատոմակայանի հետ կապված աշխատանքներ կան։ Այն բավականին լուրջ ու բարդ որոշում է»,-ԱԺ արտահերթ նիստում կառավարության ծրագրի կատարման 2022թ․-ի ընթացքի մասին զեկույցի քննարկման ժամանակ այսօր հայտարարեց տարածքային կառավարման և ենթակառուցվածքների նախարար Գնել Սանոսյանը՝ անդրադառնալով հարցին, թե Մեծամորի ատոմակայանի նոր էներգաբլոկի հետ կապված կառավարությունն ունի՞ վերջնական որոշում, ի՞նչ ժամկետներ են նախանշված։
Գնել Սանոսյանի խոսքով՝ նոր ատոմակայան ունենալու բարդությունները կապված են ֆինանսական, քաղաքական, էներգետիկ ոլորտների խնդիրների հետ։
«Դժվարությունն այն է, որ նոր ատոմակայանները կառուցվում են առնվազն 100 տարվա կյանք ունենալու համար։ Ուստի մենք հիմա կարիք ունենք ճիշտ որոշումներ կայացնելու։ Երբ 2035-36թթ․ ենթադրյալ ունենանք նոր էներգաբլոկ, այն կունենա այնպիսի հզորություն, որով ճիշտ կներդրվի մեր էներգետիկ համակարգում»,- նշեց նախարարը։
Մանրամասները՝ տեսանյութում։
