08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
ՀՀ ֆինանսների նախարարն ընդունել է Զարգացման ֆրանսիական գործակալության ներկայացուցիչներին
Տնտեսություն
19.04.2023 | 18:24
ՀՀ ֆինանսների նախարար Վահե Հովհաննիսյանն այսօր հանդիպում է ունեցել Հարավային Կովկասում Զարգացման ֆրանսիական գործակալության (ԶՖԳ) ներկայացուցչության տնօրեն Ռաֆայել Ժոզանի հետ․ տեղեկացնում են գերատեսչությունից։
Հանդիպմանը ներկա են եղել Հայաստանում Ֆրանսիայի դեսպան Անն Լույոն, ԶՖԳ պաշտոնյաներ, ինչպես նաև Ֆինանսների նախարարության ներկայացուցիչներ:
Ողջունելով հյուրերին՝ նախարար Հովհաննիսյանը նշել է, որ բարձր է գնահատում Հայաստանի և Ֆրանսիայի միջև երկկողմ արդյունավետ համագործակցությունն ու երկարամյա գործընկերությունը: Նախարարը կարևորել է ֆրանսիական կողմի օժանդակությունը ՀՀ կառավարության կողմից իրականացվող բարեփոխումների օրակարգին:
Ֆրանսիական կողմը վերահաստատել է Հայաստանին աջակցելու պատրաստակամությունը:
Զրուցակիցները քննարկել են ԶՖԳ կողմից իրականացվող ծրագրերն ու համագործակցության հնարավոր նոր ուղղությունները:
