26.02.2026 | 13:05
Ատելության և ազատ խոսքի քրեականացման միջև գիծը շատ նուրբ է․ ՀՀ-ում Ֆինլանդիայի դեսպան․ ՏԵՍԱՆՅՈՒԹ
Ակադեմիկական քաղաքում կարող են լինել 44 հազար ուսանող ու դասախոս․ Ժաննա Անդրեասյան․ ՏԵՍԱՆՅՈՒԹ
Հասարակություն
19.04.2023 | 15:46
Ակադեմիկական քաղաքում կարող են լինել 44 հազար ուսանող ու դասախոս․ Ազգային ժողովում այս մասին նշեց Կրթության, գիտության, մշակույթի և սպորտի նախարար Ժաննա Անդրեասյանը։
Նախարարի խոսքով՝ ակադեմիական քաղաքը կազմված կլինի 3 կլաստերներից՝ Հայֆիլմի տարածքում նախատեսվում է արվեստների կլաստերը, Աշտարակի Ֆիզիկայի տարածքում տեխնոլոգիական կլաստերը, երրորդ կլաստերում կտեղակայվեն սպայական, կրթական բուհերը, նաև գուցե միջպետական, միջազգային բուհեր։ Քննարկվում է նաև այդ տարածքում ազգային ստադիոնի կառուցման ծրագիրը։
Ինչ վերաբերում է ժամանակացույցին, Անդրեասյանը հայտնեց, որ այժմ ստեղծվում է ծրագիրն իրականացնող կառույցը։
«Օրերի հարց է «Ակադեմիական քաղաք» հիմնադրամի ստեղծումը, որ կիրականացնի «Ակադեմիական քաղաք» ծրագրի նախապատրաստական, իրականացման և հետագա կառավարման գործընթացները»,- ասաց Անդրեասյանը՝ հավելելով, որ ակադեմիական քաղաքի կառավարումը տեղի կունենա առանձնացված կառույցի միջոցով։
Նախարարի խոսքով՝ նախատեսվում է, որ առաջիկա շաբաթներին Հայաստան կայցելեն հրավիրված ճարտարապետներ՝ քաղաքի կառուցման շուրջ նախնական ուսումնասիրության համար։ Անդրեասյանը հավելեց, որ նպատակաուղղված են գնալու բուհերի խոշորացման ու գիտահետազոտական կազմակերպությունների հետ ինտեգրման ճանապարհով։
Մանրամասները՝ տեսանյութում։
