14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Խոսքի ազատության ոլորտում առաջընթաց է գրանցվել․ այն վերաբերում է օրենսդրական զարգացումներին․ ՏԵՍԱՆՅՈՒԹ
Հասարակություն
19.04.2023 | 14:56
Ամփոփվում են «ՔՀԿ չափիչ Հայաստան-2022» ուսումնասիրության արդյունքները։ Միջոցառման ընթացքում կներկայացվեն 2022 թվականի հետազոտության հիմնական բացահայտումները և կքննարկվեն Հայաստանում պետության և քաղաքացիական հասարակության կազմակերպությունների միջև համագործակցության բարելավման հնարավորությունները։ Միջոցառմանը հրավիրված են ՔՀԿ-ների, պետական և միջազգային կառույցների ներկայացուցիչներ, լրատվամիջոցներ։
«Խոսքի ազատության ոլորտում առաջընթաց է գրանցվել․ այն վերաբերում է օրենսդրական զարգացումներին»,- այս ոլորտի միավորը 4,7-ից դարձել է 4,8։ այս մասին հայտարարեց փորձագետ Տաթևիկ Մարգարյանը։
Նրա խոսքով՝ գործնական դաշտում բազմաթիվ խնդիրներ կան, բայց օրենսդրական դաշտում մի քանի դրական փաստ է արձանագրվել․ «Անցյալ տարի ապրիլին կառավարությունը, ԱԺ-ն և մի շարք մեդիակազմակերպություններ ստորագրեցին հուշագիր՝ ըստ որի՝ իշխանությունը պարտավորվեց առանց մեդիաոլորտի ներկայացուցիչների և քաղհասարակության հետ քննարկումների, ոլորտի վերաբերյալ որևէ օրենսդրական փոփոխություն չկատարել։ Որոշվեց, որ մեդիաոլորտի փոփոխության հայեցակարգ կմշակվի, սա լավ ձեռքբերում է։
Ցավոք մի քանի ամիս անց որոշ նախագծեր մշակվեցին առանց քննարկումների․ սա այլ հարց է»,- նշեց Մարգարյանը։
Փորձագետն անդրադարձավ ևս մի դրական միտման՝ կապված ատելության խոսքի խնդրի հետ՝ ընդգծելով, որ անցյալ տարի ուժի մեջ մտած Քրեական օրենսգրքում հստակ դրույթներ կան՝ կապված ատելության խոսքի հետ, նախատեսված են պատժամիջոցներ։
Մանրամասները՝ տեսանյութում։
