06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ադրբեջանական կողմը դիրքեր է կառուցել մեր վարչական տարածքում. Արմեն Խաչատրյան․ ՏԵՍԱՆՅՈՒԹ
Քաղաքականություն
19.04.2023 | 14:29
Հարաբերականորեն խաղաղ վիճակ է, ինժեներական աշխատանքները երկուստեք ընթանում են: ԱԺ-ում լրագրողների հետ զրույցում այս մասին նշեց Քաղաքացիական պայմանագիր խմբակցության պատգամավոր Արմեն Խաչատրյանը՝ խոսելով Տեղ գյուղի մոտ միջադեպից հետո ստեղծված իրավիճակի մասին։
«Ադրբեջանական կողմը դիրքեր է կառուցել նաև այն հատվածներում, որոնք մեր վարչական տարածքում են. բոլորս այդ մասին գիտենք, և այն, ինչը գտնվում է մեր վարչական տարածքում, այդտեղ ադրբեջանցի չպետք է լինի: Հիմա թե ոնց կհասնենք դրան՝ ժամանակը ցույց կտա»,- նշեց պատգամավորը:
Նա ընդգծեց, որ մեր բանակը կարողացել է շատ կարճ ժամանակահատվածում մեծ ծավալի ամրաշինական աշխատանքներ իրականացնել, որպեսզի այդ հատվածի ուղղությամբ նման փորձերը կանխվեն․ «Մի շարք նման փորձեր են եղել և կանխվել են»։
Հիշեցնենք՝ ապրիլի 11-ին Ադրբեջանի ԶՈՒ ստորաբաժանումները կրակել էին Սյունիքի մարզի Տեղ համայնքի ուղղությամբ ինժեներական աշխատանքներ իրականացնող ԶՈՒ զինծառայողների ուղղությամբ։ Ադրբեջանական սադրանքի հետևանքով հայկական կողմն ունի 4 զոհ, 6 վիրավոր։
Մանրամասները՝ տեսանյութում։
