14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԱԱԾ սպան ասել է՝ իրավունք չունեք հավաք անել, որովհետև ռուսաստանցի եք․հավաքների ազատությունը՝ 2022-ին․ ՏԵՍԱՆՅՈՒԹ
Հասարակություն
19.04.2023 | 12:50
Ամփոփվում են «ՔՀԿ չափիչ Հայաստան-2022» ուսումնասիրության արդյունքները։ Միջոցառման ընթացքում կներկայացվեն 2022 թվականի հետազոտության հիմնական բացահայտումները և կքննարկվեն Հայաստանում պետության և քաղաքացիական հասարակության կազմակերպությունների միջև համագործակցության բարելավման հնարավորությունները։
Միջոցառմանը հրավիրված են ՔՀԿ-ների, պետական և միջազգային կառույցների ներկայացուցիչներ, լրատվամիջոցներ։
«Խաղաղ հավաքների ոլորտը ևս քաղհասարակության գործունեության ոլորտներից է։ Այս ոլորտում ունենք ոչ վատ, բավականին հաջողված օրենսդրություն, բայց գործնականում տեղի են ունեցել դեպքեր, երբ ոստիկանության կողմից ուժ, բռնություն է կիրառվել, չհիմնավորված կերպով բերման են ենթարկվել քաղաքացիներ»,- այս մասին նշեց փորձագետ Տաթևիկ Մարգարյանը։
«Իրավապահ մարմինները պատասխանատու են իրենց գործողությունների համար, մինչդեռ արդեն որերորդ տարին է, հայտնի չէ, թե պատժվե՞լ են արդյոք այն ոստիկանները, որոնք իրավախախտ են, բռնություն են կիրառել՝ սկսած 2015-16թթ․ դեպքերից։
Անցյալ տարվա դեպքերի հետ կապված՝ հարցում ենք ուղարկել ոստիկանություն, սակայն հստակ պատասխան չենք ստացել, միայն հայտնել են, որ ծառայողական քննություն է ընթանում։
Հանրահավաքների ազատության ոլորտում բացասական զարգացում է նկատվել։ Հատկապես անցյալ տարի ոստիկանության կողմից բացասական արձագանքի էին արժանանում Ռուսաստանի հետ կապված հանրահավաքները, հավաքները դեռ չսկսած, ցրում էին դրանք։
Արձանագրվել է դեպք, երբ ԱԱԾ սպան ասել է՝ իրավունք չունեք հավաք անել, որովհետև ռուսաստանցի եք։ Սակյան մեր օրենքը դա չի արգելում դա կոպիտ խախտում է։ Իրավապահների կողմից օրենքի խախտումների համար պատասխանատվության դեպքեր չենք տեսել»,- նշեց փորձագետը։
Մանրամասները՝ տեսանյութում։
