08.10.2026 | 11:11
Արծրուն Մարգարյանի և Վահրամ Խորխոռունու սպանությունների գործերով բացահայտումներ են եղել․ Փաշինյան
Ադրբեջանի պաշտպանության նախարարը պաշտոնական այցով մեկնել է Ղազախստան
Քաղաքականություն
18.04.2023 | 15:51
Ադրբեջանի ՊՆ ղեկավար Զաքիր Հասանովը այսօր պաշտոնական այցով մեկնել է Ղազախստան։ «Ղազախստանի պաշտպանության նախարար, գեներալ-գնդապետ Ռուսլան Ժակսիլիկովի հրավերով ապրիլի 18-ին պաշտոնական այցով այդ երկիր է մեկնել Ադրբեջանի պաշտպանության նախարար, գեներալ-գնդապետ Զաքիր Հասանովը»,-ասվում է Ադրբեջանի ՊՆ հաղորդագրության մեջ։ Նշվում է, որ այցի շրջանակներում նախատեսվում է քննարկել ռազմական, ռազմատեխնիկական, ռազմակրթական ոլորտներում երկկողմ համագործակցության զարգացման հեռանկարները և փոխադարձ հետաքրքրություն ներկայացնող այլ հարցեր։
Ի դեպ, ապրիլի 10-ին էլ այցով Ղազախստանում էր Ադրբեջանի նախագահ Իլհամ Ալիևը։ Այս այցելությունն ուշագրավ է այնքանով, որ Ղազախստանը Հայաստանի հետ միասին միևնույն ռազմական դաշինքում է ՝ հանդիսանալով ՀԱՊԿ անդամ երկիր։
Էմմա Չոբանյան
