19.03.2026 | 18:27
Հեգսեթը հայտարարել է, թե «անշնորհակալ դաշնակիցները Եվրոպայում պետք է շնորհակալություն հայտնեն Թրամփին»
Բանակի փոփոխությունն էլ պետք է մտքի փոփոխությունից սկսել․ Փաշինյան․ ՏԵՍԱՆՅՈՒԹ
Քաղաքականություն
18.04.2023 | 14:29
Բանակի փոփոխությունն առաջին հերթին մտքի փոփոխությունից է պետք սկսել։ ԱԺ–ում հայտարարեց ՀՀ վարչապետ Նիկոլ Փաշինյանը՝ պատասխանելով պատգամավոր Վիգեն Խաչատրյանի հարցին, թե ի՞նչ է արվում բանակի հզորացման և անվտանգության համակարգը հզորացնելու ուղղությամբ։
«Զինվորի և սպայի բարոյական կոդեսքի պրոբլեմին պետք է լուրջ վերաբերվել, ինչպես նաև պրոֆեսիոնալիզմն ու սոցիալական երաշխիքն է կարևոր։ Այսինքն` պետք է համոզված լինենք, որ զինվորն ունի մարտական որոշակի հմտություններ, որից ներքև չի կարող լինել, և զինվորականը պետք է սոցիալական որոշակի երաշխիք ունենա։ Կարևոր է նաև կառավարման մոդելն ու սպառազինությունը»,–ասաց Փաշինյանը։
Նրա խոսքով` բանակում խորը պրոբլեմներ կան, որոնց լուծումը միշտ չէ, որ փողի հետ է կապված․ «Բացի ֆիզիկական փոփոխությունը, բովանդակային փոփոխությունը ևս շատ կարևոր է։ Մենք ունենք խորը պրոբլեմներ, որոնց լուծումը միշտ չէ, որ փողի խնդիր է»։
Վիգեն Խաչարտրյանը հարց ուղղեց Փաշինյանին, թե ինչ ծրագրեր կան ՀՀ-ի ու Ադրբեջանի սպառզինության միջև առաջացած ճեղքվածքը բալանսի բերելու առումով։
«Մենք այդ ճեղքվածքը վերականգնելու լուրջ ծրագրեր ունենք, բայց ես կարծում եմ, որ այդ հարցը հրապարակին չպետք է քննարկենք։ Այդ հարցերը ես պատրաստ եմ դռնփակ ռեժիմում քննարկել ոչ միայն քաղաքական թիմակիցների, այլև խորհրդարանական ընդդիմության հետ»,- պատասխանեց Փաշինյանը:
Մանրամասները՝ տեսանյութում։
