14.01.2025 | 16:32
Անտոնիու Կոշտան հայտնել է ՀՀ-ի հետ գործընկերությունն ամրապնդելու ԵՄ հանձնառության մասին
Էրդողանը ընդդիմադիր դաշինքն անվանել է «Ֆրանկենշտեյն կոալիցիա»
Քաղաքականություն
18.04.2023 | 13:41
Թուրքիայի նախագահ Ռեջեփ Թայիփ Էրդողանը Ստամբուլում նախօրեին իր ելույթում ընդդիմադիր դաշինքն անվանել է «Ֆրանկենշտեյն կոալիցիա», գրում է Gercek news-ը։
«Ամիսներ ու տարիներ իրար մեջ կռվելուց հետո նրանք մեզ առաջադրեցին «bye bye» Քեմալի թեկնածությունը (խաղալով թուրքերեն «Bay» բառի հնչյունների հետ, որը անգլերեն նշանակում է «պարոն», նկատի ունի ընդդիմության թեկնածու Քեմալ Քըլըչդարօղլուին)։ Բայց ասում են, Քեմալը քայլ չի անում առանց իր յոթ պատգամավորներին տեղյակ պահելու, որոնք բոլորն էլ ապրում են այլ աշխարհում և անկարող են անգամ իրենց հարցերը լուծել։ Աստծո սիրուն, ինչպե՞ս կարող է պետությունն այսպես կառավարվել։ Ինչ՞ տեսակի մտածելակերպ է,այս մարդիկ միայն կարող են մեր երկիրը տանել աղետի»,-ասել է Էրդողանը՝ հավելելով․
«Իսկ ի՞նչ է անելու «Ֆրանկենշտեյն կոալիցիան»։ Ասում են՝ կառավարելու են 85 միլիոնանոց Թուրքիան։ Ասում են՝ իրենք են որոշելու հարյուրավոր միլիոնների վրա իշխանության ու ազդեցության ոլորտ ունեցող Թուրքիայի ընթացքը։ Իսկ ինչպե՞ս են դա անելու։ Ասում են՝ իրենք են կառուցելու Թուրքիայի ապագան, որն արդեն ունի համաշխարհային մասշտաբով քաղաքական, տնտեսական, ռազմական, դիվանագիտական հավակնություններ»։
Հիշեցնենք, որ Թուրքիայում նախագահական ու խորհրդարանական ընտրությունները տեղի են ունենալու մայիսի 14-ին։ Այդ ընտրություններում Էրդողանի գլխավոր մրցակիցը ընդդիմության միասնական թեկնածու Քեմալ Քըլըչդարօղլուն է։
Էմմա Չոբանյան
