27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
ԱՄՆ-ն հավանություն է տալիս Թուրքիայի F-16-երի արդիականացման փոքր փաթեթի վաճառքին
Քաղաքականություն
18.04.2023 | 12:50
ԱՄՆ Պետդեպարտամենտը հայտարարել է, որ որոշել է հավանություն տալ Թուրքիայի գործող F-16 կործանիչների արդիականացման սարքերի վաճառքին։ Գործարքը, որի արժեքը գնահատվում է 259 միլիոն դոլար, վերջին տարիների ընթացքում առաջին ռազմական տեխնիկայի վաճառքն է Թուրքիային, գրում է ekathimerini-ին։
Թուրքիան նաև դիմել էր նոր F-16 ինքնաթիռի և մոտ 80 արդիականացման համալիրի համար, որոնց արժեքը կազմում է 20 միլիարդ դոլար, ինչը , սակայն, Կոգրեսում առարկություններ էր առաջացրել։ Reuters-ը հաղորդել է, որ ծրագրային ապահովման արդիականացման գործարքն «առաջ է շարժվում այն բանից հետո, երբ ԱՄՆ Կոնգրեսի հանձնաժողովների ղեկավարները տվել են ոչ պաշտոնական հավանություն»։
«Թուրքիան ՆԱՏՕ-ի վստահելի և գնահատված դաշնակից է։ Բայդենի վարչակազմն աջակցում է Թուրքիայի ջանքերին՝ իր F-16-ի սարքավորումները համապատասխանեցնելու ստանդարտներին»,- ասվում է Պետդեպարտամենտի խոսնակի հայտարարության մեջ: Պետքարտուղարությունը նաև նշում է, որ վաճառքը չի փոխի ուժերի ռազմական հավասարակշռությունը տարածաշրջանում։
