20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ալեն Սիմոնյանի և Կարեն Մկրտչյանի միջադեպի գործով վարույթ չնախաձեռնելու արձանագրություն է կազմվել
Հասարակություն
17.04.2023 | 20:42
Ազգային ժողովի նախագահ Ալեն Սիմոնյանի և քաղաքացի Կարեն Մկրտչյանի միջև տեղի ունեցած միջադեպի գործով քրեական վարույթ չնախաձեռնելու արձանագրություն է կազմվել: Այս մասին Factor.am-ի հետ զրույցում ասաց Քննչական կոմիտեի մամուլի խոսնակ Գոռ Աբրահամյանը:
Հիշեցնենք, որ արտերկրից Հայաստան ժամանած Կարեն Մկրտչյանն ապրիլի 2-ին հայտնել էր, որ Կասկադում, հանդիպելով Ալեն Սիմոնյանին, նրան անվանել է «դավաճան», որից հետո Ալեն Սիմոնյանը անվտանգության աշխատակիցներին ուղարկել է իր ետևից, վերջիններս երկու-երեք հոգով ոլորել են իր ձեռքերը, հետո Ալեն Սիմոնյանը թքել է իր դեմքին։ Ալեն Սիմոնյանը մինչև այդ պահը չի հերքել այն հանգամանքը, որ թքել է քաղաքացու դեմքին։ Միջադեպից օրեր անց ֆեյսբուքյան գրառմամբ ներողություն էր խնդրել Հայաստանի քաղաքացիներից։
Կարեն Մկրտչյանը դեպքի առթիվ հաղորդում չի ներկայացրել, սակայն Դատախազությանը հաղորդում է ներկայացրել «Իրազեկ քաղաքացիների միավորում» հասարակական կազմակերպությունը:
Դատախազությունն այս հաղորդումը ստուգման նպատակով ուղարկել էր Քննչական կոմիտեի, որտեղ, փաստորեն, որոշվել է վարույթ չնախաձեռնել:
Արաքս Մամուլյան
