16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Բայրամովը ԵԱՀԿ Մինսկի խմբի ԱՄՆ համանախագահի հետ քննարկել է Հայաստանի հետ հարաբերությունների կարգավորումը
Քաղաքականություն
17.04.2023 | 20:23
Ադրբեջանի ԱԳ նախարար Ջեյհուն Բայրամովն այսօր ընդունել է ԵԱՀԿ Մինսկի խմբի ամերիկացի համանախագահ, Պետքարտուղարության Կովկասյան բանակցությունների գծով գլխավոր խորհրդական Լուիս Բոնոյին։
«Հանդիպման ընթացքում քննարկվել են Ադրբեջանի և Հայաստանի միջև խաղաղության համաձայնագրի բանակցային գործընթացի հետագա հեռանկարները, ինչպես նաև՝ Ադրբեջանի և Հայաստանի միջև հարաբերությունների կարգավորման գործընթացի այլ բաղադրիչներ»,- ասվում է Ադրբեջանի ԱԳՆ հաղորդագրության մեջ։
Բայրամովը, ինչպես միշտ, անհիմն մեղադրանքներ է հնչեցրել Հայաստանի հասցեին՝ նշելով, թե իբր Հայաստանը չի կատարում եռակողմ հայտարարությամբ իր պարտավորությունները։ Ադրբեջանի ԱԳ նախարարը, որի երկիրը շուրջ երեք տարի ապօրինաբար պահում է տասնյակ հայ ռազմագերիների՝ նրանց խոշտանգումների ենթարկում՝ անտեսելով նույնիսկ միջազգային դատական ատյանների որոշումները, բողոքել է, թե Հայաստանը «գերի է վերցրել երկու ադրբեջանցի զինծառայողների ու կոչ է արել անհապաղ ազատ արձակել»։
Հավելենք, որ Հայաստանը ադրբեջանցի զինծառայողների չի գերեվարել, նրանք ապօրինաբար հատել են ՀՀ սահմանը։ Նրանց նկատմամբ հարուցվել է քրեական հետապնդում ու խափանման միջոց է ընտրվել կալանավորումը։
Էմմա Չոբանյան
