27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ստամբուլի ընդդիմադիր քաղաքապետն այցելել է Պոլսի Հայոց պատրիարքարան
Քաղաքականություն
17.04.2023 | 17:31
Թուրքիայի ընդդիմադիր Ժողովրդահանրապետական կուսակցությունից Ստամբուլի քաղաքապետ Էքրեմ Իմամօղլուն այցելել է Պոլսի Հայոց պատրիարքարան ու հանդիպել պատրիարք Սահակ Մաշալյանին Սուրբ Հարության տոնի կապակցությամբ, գրում է Ակոս պարբերականը։ Նշվում է, որ Իմամօղլուին ուղեկցել են պաշտոնաթող դեսպան Նամըք Թանը և Ստամբուլի քաղաքապետարանի գլխավոր քարտուղարի տեղակալ Մահիր Փոլաթը։
Իմամօղլուն ասել է, որ այս այցը կատարել է անձամբ շնորհավորելու Հայոց պատրիարքի և հայ համայնքի Սուրբ Զատիկը, քանի որ ինքը Ստամբուլի նման մեծ քաղաքի քաղաքապետն է։ Նա նշել է, որ «իրեն դուր չի գալիս փոքրամասնություն բառը, և որ հայերը, այս երկրի գլխավոր տարրերից մեկն են»։ Հանդիպման ավարտին պատրիարք Մաշալյանը Իմամօղլուին Զատկի կարմիր ձու է նվիրել և հաջողություն մաղթել իր ծառայությունում։
Հավելենք, որ Իմամօղլուն այցի մասին տեղեկացրել է նաև թվիթերյան գրառմամբ։ Նա նշել է, որ Զատկի տոնի առթիվ այցելել է Ասորական եկեղեցու պատրիարքի փոխանորդին ու Հայոց պատրիարքին։
Էմմա Չոբանյան
