24.02.2026 | 14:15
Հայտնի է դարձել՝ ինչ է Մեսին ասել մրցավարին․ ՏԵՍԱՆՅՈՒԹ
Թուրքիան ԱԹՍ-ով հարվածներ է հասցրել Իրաքյան Քուրդիստանին
Քաղաքականություն
17.04.2023 | 12:34
Իրաքյան Քուրդիստանի իշխանությունները Թուրքիային մեղադրում են անօդաչու թռչող սարքով հարվածների համար, հայտնում է Turkish Minute-ը՝ վկայակոչելով AFP-ն։ Ըստ աղբյուրի՝ առնվազն երկու մարդ է սպանվել, երկուսը՝ վիրավորվել։ Պաշտոնյան անանունության պայմանով ասել է, որ շաբաթ ուշ երեկոյան հարվածները եղել են Իրանի սահմանին մոտ, թիրախավորել են Քրդստանի աշխատավորական կուսակցության (PKK) մարտիկներին տեղափոխող մեքենան։ Սուլեյմանիայի շրջանային նահանգապետ Հավալ Աբուբաքերն իր անհանգստությունն է հայտնել հարձակումների առնչությամբ Իրաքի ինքնավար Քուրդիստանի վարչապետ Մասրուր Բարզանիի հետ հեռախոսազրույցում։
Աբուբաքերը հույս է հայտնել, «որ այդ հարձակումները կդադարեն՝ տարածաշրջանի անվտանգությունը պահպանելու համար»։
Հավելենք, որ ապրիլի 7-ին էլ Թուրքիան թիրախավորել էր Սուլեյմանիայի օդանավակայանը, որտեղ գտնվում էին քրդերի գլխավորած և ԱՄՆ-ի դաշնակից «Սիրիայի դեմոկրատական ուժերի» հրամանատարը, ինչպես նաև ամերիկյան զորքերը: Անկարան այս ամենին իր առնչությունը պաշտոնապես հերքել է։
