08.10.2026 | 11:11
Արծրուն Մարգարյանի և Վահրամ Խորխոռունու սպանությունների գործերով բացահայտումներ են եղել․ Փաշինյան
Պետերբուրգում Ադրբեջանի Մեջլիսի նախագահը կրկին բողոքել է Հայաստանում տեղակայված ԵՄ առաքելությունից
Քաղաքականություն
14.04.2023 | 20:25
Սանկտ Պետերբուրգում ԱՊՀ անդամ պետությունների միջխորհրդարանական վեհաժողովի 55-րդ լիագումար նիստում իր ելույթում Ադրբեջանի Միլի Մեջլիսի նախագահ Սահիբա Գաֆարովան կրկին Հայաստանի հասցեին կեղծիքներ է հնչեցրել ու բողոքել ԵՄ քաղաքացիական առաքելությունից։
Ադրբեջանական լրատվակամիջոցների հաղորդմամբ՝ Գաֆարովան ասել է, որ, իբր թե, «Հայաստանը վարում է քաղաքականություն՝ միտված իր երկրում Եվրամիության առաքելության ներկայությունը չարաշահելուն և տարածաշրջանում իրավիճակը միտումնավոր սրելուն»։
Նա պնդել է, «թե հայկական զինված ուժերը Հայաստանում և Արցախում շարունակում են խախտել հրադադարի ռեժիմը սահմանի երկայնքով, ինչը հանգեցնում է մարդկային կորուստների»։ Ապրիլի 11-ին ՀՀ Տեղ բնակավայրի վրա ադրբեջանական զինված ուժերի ագրեսիայի մեջ ևս Գաֆարովան, բնականաբար, մեղադրել է Հայաստանին։
Էմմա Չոբանյան
