24.11.2024 | 18:04
Թբիլիսիում կանայք երթ են անցկացնում․ պահանջում են Բիձինա Իվանիշվիլիի հրաժարականը
Զսպելու ենք 5-րդ շարասյանը. Անդրանիկ Քոչարյան. ՏԵՍԱՆՅՈՒԹ
Քաղաքականություն
14.04.2023 | 12:15
Երկրում ինչ տեղի է ունենում, այս իշխանությունը մեղադրում է «5-րդ շարասյանը», եթե այս իշխանությունը գիտակցում է, որ կա այդ «5-րդ շարասյունը», ապա ինչքա՞ն անզոր է, որ չի կարողանում այդ շարասյան դեմն առնի, թե՞ դա հարմար առիթ է ձեր համար, որ ձեր թերացումները բարդեք երևակայական ենթադրյալ շարասյան վրա: Այսօր ԱԺ ճեպազրույցի ժամանակ ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանն անդրադարձավ Factor TV-ի այս դիտարկմանը։
«Նախ, այս իշխանությունը ձեր իշխանությունն էլ է՝ ուզեք, թե չուզեք, ենթարկվե՛ք այդ սահմանադրական կարգին:
Հինգերորդ շարասյուն․ դուք ամեն օր առնչվում եք դրան, կան այդ շարասյուները՝ 5-ն է, 6-ն է, 7-ն է, կա՛ն այդ շարասյունները: Ո՞վ ասեց չենք զսպում, համբերե՛ք, այնպես կզսպենք: Փաստացի տվյալները օր օրի այնքան են շատանում, որ չարձանագրել դա հնարավոր չէ»:
Քոչարյանի խոսքով՝ ԶԼՄ-ները քննարկման երկու թեմա են գտել՝ դասալքություն և «5-րդ շարասյուն». «Կան այդ շարասյուները, մտեք տիկտոկերը և նայեք…
Շարասյուների հետ կապված խնդիրները բազմաշերտ են: Ի՞նչ եք կարծում, որ շարասյան խնդիրները չլինեին, հետպատերազմյան ընթացքում բանակին կհրավիրեին Բաղրամյան փողո՞ց․․․ »։
Քոչարյանի կարծիքով՝ ԶԼՄ-ները պետք է իրենց հետ պայքարեն, բայց նման ցանկություն չունեն։
«Պատերազմի ժամանակ ինչ-որ բլոգեր գրել էր՝ Եռաբլուրում պատրաստի փոսեր են փորել։ Գետի՛նը մտնես, բա տենց բան հնարավո՞ր է ասել: Դուք չգիտե՞ք, «ով»-ով է վերջանում ազգանունը»:
Մանրամասները՝ տեսանյութում։
