07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Բայրամովն ու Չավուշօղլուն հեռախոսազրույց են ունեցել՝ քննարկելով Տեղում ադրբեջանական զինված հարձակումը
Քաղաքականություն
12.04.2023 | 17:17
Ադրբեջանի ԱԳ նախարար Ջեյհուն Բայրամովը հեռախոսազրույց է ունեցել Թուրքիայի ԱԳ նախարար Մևլութ Չավուշօղլուի հետ՝ քննարկելով երկկողմ օրակարգը, ինչպես նաև ՀՀ Տեղ գյուղի մատույցներում տեի ունեցած միջադեպը։
«Մևլութ Չավուշօղլուն ցավակցություն է հայտնել Ջեյհուն Բայրամովին ապրիլի 11-ին սահմանին «Հայաստանի զինված ուժերի սադրանքի հետևանքով երեք ադրբեջանցի զինծառայողների մահվան կապակցությամբ», – ասվում է Ադրբեջանի ԱԳՆ հայտարարության մեջ։ Ըստ ադրբեջանական կողմի՝ Չավուշօղլուն ասել է, որ «Թուրքիան միշտ Ադրբեջանի կողքին է»։
«Զրույցի ընթացքում նախարարները քննարկել են Ադրբեջանի և Թուրքիայի միջև երկկողմ և բազմակողմ օրակարգի հարցեր, ինչպես նաև՝ տարածաշրջանում տիրող իրավիճակը»,-ասվում է հայտարարության մեջ։ Թուրքիայի ԱԳՆ-ն հեռախոսազրույցի վերաբերյալ հաղորդագրություն դեռևս չի տարածել։
Էմմա Չոբանյան
