22.11.2024 | 10:55
ՆԱՏՕ-ն և ԱՄՆ-ն հայտարարել են Կիևին իրենց աջակցությունը շարունակելու մտադրության մասին
Սա շանտաժ է․ ՌԴ-ն նոր զորք է ուզում բերել՝ ՀԱՊԿ-ի դեմքով․ եթե գան, Ադրբեջանի ագրեսիան կլեգիտիմացնեն․ Հրաչյա Արզումանյան․ ՏԵՍԱՆՅՈւԹ
Քաղաքականություն
12.04.2023 | 20:02
Սյունիքի Տեղ համայնքի առաջնագծում Ադրբեջանի զինուժի ռազմական վերջին պրովոկացիան, որի ժամանակ զոհվեց հայկական բանակի 4 զինծառայող, վիրավորվեց՝ 6-ը, ռազմական շանտաժ է։ Այս գնահատականի հեղինակ Ազգային անվտանգության և ռազմական հարցերով փորձագետ, քաղաքական գիտությունների դոկտոր Հրաչյա Արզումանյանը Factor TV-ի հարցազրույցում սա կապում է ՀՀ ՊՆ Սուրեն Պապիկյանի՝ Բրյուսելում տեղակայված ՆԱՏՕ-ի կենտրոնակայան այցի հետ։ Ըստ փորձագետի՝ դա զայրացրել է ՌԴ-ին և Ադրբեջանին։ Մոսկվան, ըստ պարոն Արզումանյանի, չի ցանկանում, որ ՀՀ-ն իրենից անկախ գործի․
«Ռազմական շանտաժ է, նրանք զայրացել են ՆԱՏՕ-ի կենտրոնակայան ՀՀ ՊՆ Սուրեն Պապիկյանի այցից։ ՌԴ-ի համար անընդունելի է ՀՀ-ի անկախ գործելը։ Պապիկյանը կո՛շտ պիտի խոսեր ՆԱՏՕ-ից, չընդհատե՛ր այցը և հետ գար։ Այդպիսով նա նոր պրովոկացիաները կչեզոքացներ։ Խիստ զայրացած են Բաքուն, Մոսկվան նաև այն պատճառով, որ ԵՄ դիտորդները զսպում են մեծ հարձակումները։ Սա նշանակում է, որ այս իրավիճակը նրանց դեմ պիտի ՀՀ-ն շրջի՝ խորացնի արևմուտքի հետ համագործակցությունը՝ փակելով ՌԴ-ի և ՀԱՊԿ-ի էջը։ ՌԴ-ի հետ «դաշինքը» վտանգո՛ւմ է ՀՀ-ին․ հերի՛ք է զոհեր տանք, տարածք կորցնենք, փակե՛ք այդ էջը»։
Հարցազրույցն ամբողջությամբ՝ տեսանյութում։
Ռոբերտ Անանյան
