08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
«Մտել էինք պադվալը, վախենում էինք». Տեղ գյուղի բնակչուհին՝ ադրբեջանական կողմի սադրանքի մասին․ ՏԵՍԱՆՅՈՒԹ
Հասարակություն
12.04.2023 | 13:44
Տեղ գյուղի ուղղությամբ ադրբեջանական կողմի երեկվա սադրանքից հետո Factor TV-ի նկարահանող խումբը մեկնել է Սյունիքի մարզ։ Ուղիղ հեռարձակմամբ ներկայացնում ենք սահմանային միջադեպի մանրամասները, գյուղում տիրող տրամադրությունները։
«Մտել էինք պադվալը, վախենում էինք․․․ Վախվխելով քնում ենք, վախվխելով զարթնում, 4 անգամ պատերազմ ենք տեսել»,- այս մասին ասաց Տեղ գյուղի բնակչուհին՝ խոսելով ադրբեջանական կողմի սադրանքի մասին։
Հիշեցնենք՝ ապրիլի 11-ին՝ ժամը 16։00-ի սահմաններում, Հայաստանի Հանրապետության տարածքում՝ Սյունիքի մարզի Տեղ գյուղի հատվածում, ադրբեջանական զինված ուժերի մի խումբ զինծառայողներ սահմանի տեղակայման կետերի ճշգրտման պատրվակով մոտեցել են ՀՀ զինված ուժերի զինծառայողներին, սադրել և հրազենային զենքերից, այնուհետև տարբեր տրամաչափի այլ զինատեսակներից կրակ վարել հայկական ԶՈւ զինծառայողների և դիրքերի ուղղությամբ: ՀՀ Պաշտպանության նախարարությունից հայտնել են՝ հայկական կողմն ունի 4 զոհ և 6 վիրավոր։
Ապրիլի 12-ի ժամը 08:00-ի դրությամբ իրադրությունն առաջնագծում շարունակում է մնալ հարաբերականորեն կայուն:
Մանրամասները՝ տեսանյութում։
